by

Asidenti trafiku rezulta ema rua tohar no nain 6 kanek todan ho kamán

Feto 1 tohar iha kabás no labarik mane 1 tinan 9 tohar ain inklui ema nain 6 hetan kanek todan no kamán tanba asidenti tráfiku kareta anguna Alkafer ho xápa matríkula 37449 soke ai-teka iha área Bubur laran suku Daisua postu administrativu same iha Domingu meudia fin de semana ne’e//

Dotór sentru Saúde Same Joanico Gusmão Soares ne’ebê halo atemdementu ba pasiente sira informa katak pasiente asidenti tráfiku ne’ebê konsege evakua mai iha sentru saúde Same iha ema na’in 8 maibe na’in 2 kondisaun normál//

Pasiente ne’ebé kanek todan kompostu feto 1 ho labarik 1 maka tohar maibe tanba pedidu husi familia lori kedas ba klinika tradisionál kaer ruin tohar iha wedaukberek postu Alas//  no pasiente mane na’in 4 maka halo hela tratamentu iha sentru saúde Same, mane na’in 1 ka kondotór maka grave tanba hetan pankada maka’as iha nia hirus matan no pasiente mane 3 hetan kanek kaman.

Dotór Joanico isplika katak pasiente na’in 4 ne’ebé dadaun ne’e baixa hela iha sentru saúde same sira mòs hato’o pedidu atu lori ba klínika tradisionál wedauberek Alas.

Entretantu ajudante kondotór Albertino Beni da Costa Alves ne’ebé hetan kanek kamán informa katak kronológia asidenti ne’e mosu wainhira, kareta anguna Alkafer ho xápa matríkula 37449 dirasaun Same Alas, tula pasazeiru husi merkadu Same atu ba Feriksare postu Alas to’o iha Bubur Laran besik universidade Boa Ventura Timor Leste UBTL Luak, derepenti soke ai-teka hún husi estarda parte liman los, maske la hasoru kareta ka motór ruma

jornalista: Atlas

Editor : Eva Marques

Comment