Manufahi RKM News==== novel da Paz José Ramos Horta ho ministru ba asuntu kombatenti libertasaun Nasional kinta-feira nee// ingura monumentu masakre meti-oan wedauberek postu administrativu Alas// no serimonia Funébre ba restu mortais estudante União nasional estudante de Timores (UNITIM) ho struktura partidu Fretilin postu administrativu Alas hamutuk nain 10 neebé mate iha masakre Meti-oan loron 27 fulan-Augustu tinan 1975///
Iha serimónia nee Lauriadu Novel da Paz José Ramos Horta iha ninia diskursu hateten Joven nain 10 nee la mate iha kombate// maibe sira sivíl mate tanba halao aktividade iha demokrasia hodi sosializa politika ASDT-Fretilin ba ukun rasik-an nian// no violensia iha tinan 1975 mai husi ema Timor oan rasik hodi fó dalan ba Indonézia hodi invade Timor leste iha loron 7 fulan-Dezembru tinan 1975// Partidu União demokrátiku Timorense (UDT) laos Partidu pro-integrasaun// maibe elementu UDT halo aktu violensia kontra elementu ASDT-Fretilin// wainhira mosu GOLPE husi UDT maibe iha mós elementu Partidu UDT mate iha Aileu no Same bainhira mosu kontra GOLPE husi Fretilin //
Joven nain 10 neebé mate sira nia sakrifisiu laos deit luta ba ukun rasik-an //maibe sira nia sakrefisiu atu hanorin mós labele mosu tan violensia entre ema Timor oan sira /// DehanNia (27-08)
José Ramos haktuir prosesu rekonsiliasaun entre UDT ho Fretilin hahú inisia husi saudosu Nicolau Lobato iha tinan 1975 wainhira mosu kontra GOLPE// saudosu Nicolau Lobato la aseita elementu Fretilin atu halo violensia hasoru elementu UDT neebé oho Joven Nain 10 iha masakre meti-oan wedauberek Alas iha loron 27 fulan-Agusto tinan 1975// maske Timo oan sira halo ona rekonsiliasaun ho Indonesia// APODETE no UDT maibe prosesu rekonsiliasaun seidauk remata tanba Timor oan sira seidauk halo rekonsiliasaun ho Timor oan rihun ba rihun neebé dadaun nee abandona hela iha Kupão Indonézia//
Entretantu saudosu nain 10 neebé mate tanba hetan oho husi Forsa partidu união Demokrátika Timorense (UDT) iha loron 27 fulan-Agustu tinan 1975 iha masakre Meti-oan Wedauberek Alas kompostu, Estruktura UNITIM nain haat (4) Saudozu Domingos Cassiano Maria da Silva Lobato (sekretáriu Jeral UNITIM), Domingos Jacob da Costa Rebeiro (Membru UNITIM), Francisco Borges (Membru UNITIM), Alexandre Bernardino (Membru UNITIM), no estrutura Partidu Fretilin Postu Alas kompostu saudozu nain nén (6), José Maria de Jesus (delegadu CCF Postu Alas), Ponciano da Costa Ribeiro (Sekrretáriu Jeral), Sabino Soares pereira (Visé sekretáriu Jéral), Bernardino Hornai Pereira (Sekretáriu 1, António Abel Guterres (sekretáriu 2), no António Jacob da Costa Ribeiro (Juventude).
Jornalista :Ekipa Kobertura
Editor :ESM
