by

Komunidade Sarin Nafatin halerik estrada Ho Bee Mos

komunidade sarin sente triste Tebes maske ukun aan ona tina rua nulu (20) maibe komunidade sente halerik nafatin  ba estrada Ho Bee mos mak sai hanesan impaktu boot ba komunidade sira hodi sustenta ba sira nia nessesidade moris lor-loron,dehan Rafiel ba Jornalista radiu komunidade tersa ( 08/09) iha aldeia weberek, suku dotik, postu administrativu alas, munisipiu manufahi.

“Hau senti triste tebes hare ba iha ami nia aldeia sarin susar tebes atu asesu ba bee mos ho estrada nebe liga hosu suku dotik weberek wesar to sarin fo impaktu tebes ba ami nia komudade sira, tanba ami nia komunidade produtu iha barak maibe produtu refere la folin”, dehan Rafiel

Nia haktuir, luta ba libertasaun Nasional ema barak mak fo an hodi sakrifika an tomak ba rai ida nee, maske timor ne ukun aan kleur besik tinan rua nulu (20) maibe iha balun mak seidauk senti ninia indenpendensia, No ema barak sei moris nafatin iha nakukun laran.

Xefi aldeia ne salienta, Komunidade barak mak iha produtu maibe sira atu lori faan susar tebes ho transporte publiku ho kondisaun estrada nebe mak la permita hodi halo movimentu ba mai, alende nee mos problema Bee mos mak sai hanesan impaktu boot ida ba komunudade atu hodi fasilita ba sira nia nesesidade lor-loron susar, tanba ida nee obrigatoriu komundade rasik tenke lao ho distasia nebe dook hosi buka bee atu hodi konsumo ba tein.

iha fatin hanesan Xefe suku dotik,Sebastiao Da Costa Amaral hateten, estrada iha suku dotik liga ba iha ba aldeia tolu hanesan Weberek ,Wesar No sarin, ida nee sai hanesan impaktu boot ida ba komunidade inklui bee mos sai hanesan problema ba komunidade hodi komsumo ba nesesidade lor-loron tenke lao ho distansia nebe dook hodi buka bee mos.

“Sim los duni komunidade husi aldeia tolu (3) Hanesan Weberek, Wesar, Sarin, ninia preokupasaun mak estrada ho bee mos nee, tanba komunidade iha produtu ruma atu lori ba faan maibe ho kondisaun estrada nebe la diak kareta mos la halai fo impaktu ba komunidade nebe iha produtu atu faan, problema ida mak bee mos, dalaruma komunidade barak mak presiza lao ho kilo metru nebe dook hodi buka bee hodi konsumo ba sira nia nesesidade lor-loron” dehan xefe suku

Nia argumenta, iha tinan 2016 hau halo karta ba ona iha institute Gestaun Ekipamenta ate data laiha resposta , maibe agora hau prepara hela proposta atu haforsa tan proposta 2016 nian hodi hare problema estrada iha kruzamentu suku dotik liga to sarin//

Jornalista                 : Vasco mendes

Editor                                    : Eva Marques

Comment