INFORMASAUN BAZE
Ministériu Edukasaun, Juventude no Desportu (MEJD) no UNICEF inisiativa ‘Rekupera Aprendizajen ho Seguru’ ho nia objetivu atu promove hahú fali prosesu aprendizajen iha eskola ba manorin, estudante no inan-aman sira, adolexente no labarik sira no kontinua atu proteje komunidade no eskola husi tranzmisaun.
Objetivu atu promove importánsia husi edukasaun no kontinua aprende ba labarik sira, estudante, manorin, inan-aman no komunidade en jeral
Enkoraja estudante sira atu fila fali ba eskola – tamba durante Estadu Emerjensia estudante maíz ou menus 400,000 ne ‘ ebé rejista iha eskola mak afetadu husi COVID-19 tamba eskola taka
Promove importánsia hodi halo tuir guía loke eskola nebe estabelese ona hosi MEJD no Ministériu Saúde, relasiona ho prevensaun COVID-19 iha eskola
Iha 7 Jullu 2020, MEJD ofisialmente loke ona Kampaña Fali fali ba Eskola ho kolaborasaun hamutuk ho Sekretáriu Estadu Komunikasaun Sosial (SECOMS), no UNICEF. Eventu ne’e organiza ho objetivu atu halibur media no halo diskusaun ho sira kona ba prepasaun atu loke eskola iha nasaun laran. Hafoin halo Kampaña Fali fali ba Eskola, MEJD hamutuk ho UNICEF no parseiru dezenvolvementu sira, lansa ‘Rekupera Aprendizajen ho Seguru’ no hala’o kolokiu nasional ba Diretor Munisipiu sira, Superintendente, no Inspetor Eskola sira hodi hatutan mensajen sira ne’e ba komunidade, inan-aman, manroin sira no estudante.
MENSAJEN XAVE BA INAN-AMAN NO KOMUNIDADE ENJERÁL
Importánsia husi edukasaun
Labarik hotu-hotu – mane no feto – iha direitu ba edukasaun, ne’e inklui labarik sira ho nesesidade espesiál/vulneravel ka ema ne’ebé mak presiza apoiu adisionál. Tuir lei, ema hotu tenke iha asesu ba Edukasaun ho kualidade hanesan, no oportunidade ba susesu iha eskola ho ekuidade. Atu uma ida bele hamriik ho metin, uma ne’e tenke iha alserse ida-ne’ebé sólidu. Nune’e mós ho ema. Atu ema ida bele iha susesu iha ninia moris, no sai ema di’ak, ne’ebé bele kontribui ba ninia família no nasaun ho pozitivu, presiza hetan baze edukasaun ne’ebé di’ak no sólidu.
Edukasaun ho kualidade fó vontade ba labarik no joven atu bá eskola hodi aprende, hasa’e koñesimentu, hariku abilidade ba moris sira no hasa’e kompeténsia báziku sira-ne’ebé sira nesesita ba sira atu dezenvolve akademikamente no sosialmente. Nune’e sira preparadu atu hasoru dezafiu
