by

Komunidade Aldeia Batas suku tutuluru Halerik Ba Bee Mos ho Estrada

 (Manufahi)RKM News===== Xefi aldeia Manuel Hornai Hateten, iha aldeia batas halerik nafatin ba estrada ho bee mos tanba ida nee sai hanesan problema boot hodi difikulta ba komunidade sira hodi buka moris.

“ami nia komunidade iha batas sente triste tebes ho kondisaun estrada nebe mak difikulta ba populasaun nebe mak atu lori sira nia produtu ba faan, alende ida ne mos bee mos sai hanesan problema ba komunidade sira tanba sira tenki lao ho distansia nebe dook hodi buka bee”, dehan xefe aldeia. Ba jornalista segunda (21/09) iha aldeia batas suku Tutuluru postu same munisipiu manufahi.

Nia Argumenta, timor ne ukun aan tinan rua nulu resin ona maibe komunidade batas sai nafatin vitima ba iha parte bee mos, inklui iha parte estrada halo ona audensia iha nasional maibe seidauk fo solusaun ba hirak nee, kompostu husi xefi familia iha aldeia batas hamotuk hitu nulu resin ualu (78) inklui husi feto mane hamotuk atus ida liman nulu resin (155).

” tanba ida nee ami apela ba governu atu tau matan mai ami no komunidade sira atu hodi tau matan ba estrada no bee mos hodi difikulta komunidade sira ba iha bee mos no mos estrada tanba susar tebes komunidade hodi atu asesu ba iha merkaduria”, (ameru)

Comment