by

Doutor Estevão Hetan Ta’a husi nia maun

(Manufahi)RKM News______ kuarta feira (30/09) nee doutor estevão corte-real leong ho idade 40 anos hetan ta’a husi nia maun rasik ho kondisaun nebe grave, iha aldeia rialau suku letefoho,postu administrativu same munisipiu manufahi. 

Iha akontesementu nee rezulta doutor estevão evakua kedas ba iha sala emergensia sentru saude munisipiu manufahi hodi halo tratamentu intensivu.

Tuir kronologia husi akontesementu nee iha dadersan maizumenus tuku ualu Doutor nee nia maun rasik durante nee infrenta hela moras metal, nunee nia maun foti katana hodi duni nia, estavão konsege hetan ta’a iha parte inus, liman, ho ain. 

Doutor estavão Corte-real leong durante nee hala’o knar iha sentru saude munisipiu manufahi.

Diretora Sentru saude munisipiu manufahi,  Florencia Corte-real Tilman, hateten, nia parte la bele halo tratamentu iha sentru saude manufahi,  tanba ho kondisaun  nebe grave, maibe agora dadaun ami halo kontaktu ho avião hodi transfer kedas ba iha Hospital Nasional Guido Valadares(HNGV) Dili. 

“Ami la bele halo tratamentu ba doutor estevão tanba ho kondisaun nebe grave, tanba nee agora hau kontaktu ona ba aviaun husi dili mai tula hodi lori ba hospita nasional guido valadares hodi bele halo tratamentu, dehan diretora florencia ba jornalista iha nia kna’ar fatin nularan postu same, munisipiu manufahi.

Notisia ne fo sai maibe seidauk halo konfirmasaun ho autoridade seguransa. (esm) 

Comment