by

(DNJRD)’’distribui Material Konstrusaun ba Vitima dezastre uma kain 17 iha Manufahi

Manufahi Rkm News=====Diresaun Nasional Jestaun risku dezastre (DNJRD) fahe material konstrusaun ba Vitima uma kain hamotuk sanolu resin 17, nebe mak hetan  dezastre husi ahi han uma inklui anin sobu, iha munisipiu manufahi kompostu husi postu Administrativo haat (4) hanesan postu same iha iha uma kain sanolu resin haat (14), No postu Alas iha uma kain ida (1) no postu turiskai iha uma kain ida (1) no postu fatuberliu iha uma kain ida (1).quarta (07-10)

Material konstrusaun nebe mak fo maluk vitima sira hetan intrega direitamente husi administrador munisipiu manufahi, No Reprezentante Diretór Diresaun Nasionàl Jestaun Risku Dezastre (DNJRD) Ho Material konstrusaun mak hanesan, semente saak rua nulu resin lima (25), No Kalen tahan lima nulu (50), Ho pregu 7 sente Killo haat (4) No prego 10 senti killo rua (2) no Prego 12 senti kilo rua (2), No Besi 8 Milli 10 Batan, inklui arame fino rolu rua (2).

Administrador Munisipiu Manufahi, Arantes Isaac Sarmento, fo agradese ba Diretór Diresaun Nasionàl Jestaun Risku Dezastre ho ninia ekipa nebe mak apoiu ona maluk benefisiuariu sira nebe mak lakon sira ninia sasan no uma husi ahi han no anin sobu nebe mak akontese iha tinan nee nia laran.dehan ba Jornalista kuarta (07/10) edifisiu risku dezastre postu same munisipiu manufahi.

Nia Argumenta, Orsamentu nebe mak hodi hola material konstrusaun ida nee laos osan husi munisipiu nian, maibe osan estadu nian ho ida nee husu ba maluk benefisiariu sira tenke utiliza material konstrusaun sira ne hodi hadia uma, maibe la bele uza material sira nee mak oferese ba faan fali.

Reprezentante Diretór Diresaun Nasionàl Jestaun Risku Dezastre (DNJRD) , Serafin da costa, haktuir, husu ba autoridade munisipiu nafatin kontrolu ba maluk benefisiuariu sira nebe mak hetan materias konstrusaun nebe simu atu utiliza hodi hadia uma.

” Programa ida nee Kuaze tinan barak ona ami implementa iha 13 munisipiu kuaze  tres mill resin mak responde ba maluk vitima nebe mak afeta ba risku dezatre mak hetan uma diak ona, tanba nee ami husu ba autoridade munispiu atu kontinua monitoriza nafatin ba programa ida nee” dehan Reprezentante Diretór Diresaun Nasionàl Jestaun Risku Dezastre

Nia argumenta, husu ba autoridade tenke rezistu ba programa ida nee,  No uma hirak mak prontu ona, No hirak mak sei iha hela prosesu konstrusaun no hirak mak seidauk, no hirak mak seidauk hadia,  No rezistu mos nain hirak mak faan material konstrusaun no keta halo hodi utiliza fali buat seluk tenke rezistu mos, atu programa ida nee bele lao ho ninia objectivu.

iha fatin hanesan reprezentante Vitima, Carlito Tilman, hateten nia senti orgullo tebes ho ajudos nebe husi parte Diresaun Nasionàl Jestaun Risku Dezastre hodi bele ajuda komunidade sira nebe mak hasoru problema hanesan ahi han uma no husi anin sobu.

“Hau senti kontenti tebes ho ajuda materia konstrusaun nebe mak husi parte sosial fo atu hodi hadia ami uma nebe mak hetan estragus husi ahi haan no anin sobu ida nee hanesan tulun bele hodi rezolve amo povo kbiit lae nia problema nebe mak ami hasoru” ,deklara vitima Carlitu.  (ESM)

Comment