Manufahi RKM News———Profesionáis ministériu Saúde Realiza Enkontru Ho Diretór Saúde Sira Kona ba konsultasaun Alargada revizaun Planu estratéjiku nasionál setór Saúde 2011-2030 ba edisaun daruak nian durante loron tolu iha munisípiu Manufahi.
Ministra Saúde Odete Maria Freitas Belo,segunda-feira (16/11).
iha ninia diskursu abertura ba enkontru ne’ebé realiza iha salaun Parokial Same hateten, revizaun planu estratéjiku nasionál setór saúde ne’e importante, hodi rekolla ideia husi matenek na’in no autoridade sira, atu haforsa programa ministériu Saúde nian hodi kontinua implementa (PENSS) ne’ebé iha ona, no halo ajustamentu nesesáriu kona ba estratéjia no asaun ba vizaun Timor oan Saúdavel iha Timor leste saúdavel.
Tuir Ministra Odete Maria Freitas Belo katak, liu husi ekontru ne’e bele haforsa politika ministériu Saúde nian, lori servisu saúde besik liu ba Povo, no povo bele sente familiar ho servisu saúde nian, nune’e fasil ba komunidade lori sira nia moras besik ba servisu saúde.
Governante ne’e, bolu atensaun ba diretór servisu Saúde munisípal sira, tenki apoiu maximu servisu saúde nian, ne’ebé desentraliza ona ba munisípiu, no servisu ne’ebé fó ona kompeténsia ba munisípiu la presisa ministériu saúde maka implementa.
Fatin hanesan administradór munisípiu Manufahi Arantes Isaac Sarmento, agradese ba ministra saúde ne’ebé hili munisípiu Manufahi, sai fatin ba ekontru konsultasaun Alargada revizaun Planu estratéjiku nasionál setór Saúde (PENSS) 2011-2030 no liu husi enkontru ida ne’e bele hamosu politika ministériu saúde nian, ne’ebé diak liu, hodi serví povu iha Timor leste ne’ebé saúdavel.
Entertanto Partisipa iha Enkontru ne’e, eis visé ministru Saúde Lucio Lobato, profesionais ministériu saúde parseiru dezenvolvimentu, autoridade no diretór saúde munisípal 12 inklui RAEOA.
Jornalista : Domingos C Real
Editor. : Eva Marques
