by

Nelson’’Oan Mane Husi Saudozu (Sikat Seluk), Husu Estadu Halo Tratamentu Saude Ba Vitima Torturasaun Husi Militar Indonezia

Manufahi RKM News =======Oan Mane Husi Saudozu Vicente Xavier ho kódiku (SIKAT SELUK) Visé sektretáriu Zona Postu Alas, husu estadu Timor Leste tau atensaun hodi halo tratamentu saúde ba vitima torturasaun militár indonézia neebé dadaun nee gráve no la hetan atensaun. ejijénsia nee hatoo wainhira realiza  semináriu komemorasaun loron levantamentu 9 fulan-Novembru postu Alas tinan 1998 ba dala 22 iha postu Alas vila segunda-feira (30/11)

Nelson Fernandes núdar oan mane husi Saúdozu Sikat Seluk, haktuir iha levantamentu Alas vitima torturasaun lubuk ida hetan gráve, tanba baku no torturasaun husi Militar Indonézia, inklui mós povo Timor oan rejisténsia sira iha teritóriu tomak balun hetan moras gráve maibe la hetan tratementu tanba sira la iha osan, tanba nee husu estadu kría politika hodi fó atensaun, tanba hodi sira nia sofrementu maka Timor leste atinji nia independensia.

Hatan ba preukupasaun nee, administradór munisípiu Manufahi Arantes Isaac Sarmento hateten Governu liu husi Ministériu veteranu no antigu kombatenti, estabeleze ona pontu vokal iha munisípiu Manufahi, atu hahú identifika ona vitima torturasaun neebé sira nia kondisaun saúde gráve hodi bele hetan tratamentu husi estadu.(esm)

Comment