Foto Husi Media RKM.
Manufahi RKM News —-_–Tribunál distritál Suai desloka juíz koletívu ida hodi hala’o julgamentu ba kazu 30 iha Munisipiu Manufahi, durante semana ida.
Juíz administradór tribunál distritál Suai, Dotór Juíz José Maria de Araújo kuarta-feira ohin (03/02), ba Jornalista sira informa katak, durante ne’e tríbunál distritál Suai sempre hala’o programa tríbunál móvel ba munisípiu tolu hanesan Bobonaro, Ainaro no Manufahi,
tanba ne’e semana ida ne’e tríbunál distritál Suai desloka juiz koletivu ida hodi hala’o julgamentu ba prosesu koletívu ho prosesu singulár 30 iha munisípiu Manufahi.
Alende husi total prosesu 30 ne’e, ás liu maka kazu kríme violénsia doméstika, ofensas gráus, viólasaun no abuzu seksuál,Katak Juiz Administrador
Nia Haktuir Tan Nia Parte, garántia katak tríbunál móvel durante semana ida sei finalíza kázu 30 iha munisípiu Manufahi, tanba tuir esperiénsia tribunál móvel durante semana ida iha munisípiu Bobonaro bele finaliza prosesu 50.
Entretantu tribunál móvel iha Manufahi, hala’o julgamentu ba prosesu 30 ne’e, hahú iha segunda-feira (01/02) to’o kuarta-feira ohin (03/02) ba prosesu koletivu, no prosesu singulár hahú kinta-feira aban(04/02) to’o Sesta-feira (05/02) kontinua mós ho prosesu koletivu.
Jornalista: Eva Marques
Editor. : Vasco Mendes
