Eskola Ensinu Baziku Filial 123 Aituha sala tolu oras ne dadaun kondisaun la favoravel tanba anin loke iha tinan 2020 hodi difikulta prosesu aprendisazen wainhira udan monu rai..Segunda/ 08/02.
Tuir Coordenador Eskola EBF 123 Aituha Mateus Amaral Pacheco informa Eskola refere Anin loke iha tinan kotuk, maibe oras ne’e dadaun Professor Sira nafatin uza Fatin ne’e hodi hanorin estudante Sira Tanba sala de aula la permite ba estudante sira, Enkuantu udan monu Rai obrigadu Professor Sira tenki Haruka estudantes fila ba idak-idak Nia uma Tanba laiha sasatan ruma atu tahan netik Sira husi udan been.
Ho preokupasaun hira ne’e koordenador Eskola Ensinu Baziku Filial hato’o ona ba Directur Ensinu Baziku Central atu relata ba parte Edukasaun Munisipiu Manufahi maibe to’o oras ne’e seidauk iha resposta. Hateten koordenador.
Alende ne’e Professor Eskola EBF 123 Aituha Crispin Mendes husu ba Ministeriu Edukasaun atu Toma medidas urjente ba Eskola refere hodi estudante sira bele tuir prosesu aprendisazen ho normal.
Entertantu notisia ne’e fo sai Jornalista konfirma ho Direktur Edukasaun Munisipiu Manufahi maibe la fo komentariu Tanba seidauk simu Karta rumah husi Koordenador Ensinu Baziku Filial 123 Aituhal no Direktur Ensinu Baziku Central Mahaquidan….
Leky Mauk