by

STEVE-COVEM No CEFOBOM Asina Nota Intendementu

        Foto Husi Media RKM

Manufahi RKM News=======Segunda Feira nee( 15-02),Iskóla tékniku vokasionál kombatenti veteranu Manufahi (STVE-COVEM) asina nota intendementu koperasaun ho sentru foinsa’e Boa Ventura Manufahi iha Salaun Fransisku Xavier Do Amaral  (CEFOBOM), hodi fasilita kursu jestaun ekipamentu informátika,turízmu hotelária no kursu konstrusaun sivíl ba estudante COVEM Iha Manufahi.

Adjunto diretór iskóla ESTEVE-COVEM munisípiu Manufahi, Alexio Guterres hateten nota intendementu koperasauan ne’e, foka liu ba prátika nian durante fulan sanúlu husi fulan-Fevereiru to’o fulan Novembru tinan Nee.

Fatin hanesan jestór menejér CEFOBOM, Antónino doutel Sarmento hateten kada tinan CEFOBOM simu estudante sira hala’o prátika iha sentru ida ne’e, tanba ne’e husu ba estudante sira atu tuir kursu ne’e ho disiplina nune’e bele dezenvolve foinsa’e sira nia kueñesementu hodi dezenvolve nasaun Timor leste li-liu munisípiu Manufahi. 

Antóninho subliña, estudante hanesan futura nasaun nian, tenki fó prioridade ba siénsia tanba siénsia maka sai importante hodi dezenvolve futuru foinsa’e sira iha nasaun ne’e.

Entertantu total estudante na’in 116 prímeiru síklu no segundu síklu husi departementu tolu kompostu Turízmu hotelária, konstruksaun sivíl no departementu ténika jestaun informátika, sei tuir kursu durante fulan sanulu hodi aumenta estudante sira nia kueñesementu iha área tolu ne’e.

Jornalista :Leki Mauk 

Editor :Eva Marques

Comment