by

ESTV Francisco Borja Da Costa realiza serimonia lansamen ba estudante estagiadu sira.

Manufahi RKM News__Eskola Sekundaria Tekniku Vokasional (ESTV) Francisco Borja Da Costa Fatuberliu realiza eventu lansamentu ba estudante estajiadu etapa segundu tinan akademiku 2021,serimonia lansamentu ne’e hala’o iha salaun eskola Francisco Borja Da Costa Fatuberliu.(01/03)

Tuir Diretur ESTV Francisco Borja Da Costa Fatuberliu Marcelino António Da Costa hateten  Estudante ne’ebé sai ba estajiu tinan ida ne’e mai husi departamentu rua hanesan Turizmu no Hotelaria, liu husi estajiu ne’e bele aumenta liu tan Estudante sira nia kapasidade.

Ba tinan ida ne’e Estudante sira ne’ebé sai ba estajiu hamutuk nain 53 kompostu husi feto 30 mane 23 no fahe ba grupu hat (4) hanesan : grupu primeiru iha sede Suku Clakuk, grupu segundu iha Administrasaun Postu Fatuberliu, grupu terseiru iha Bee Manas Naturál Wefauk, no grupu quatru iha deit Eskola.

Fatin hanesan Inspetur Eskolar Postu Administrativu Fatuberliu Delfin Freitas husu Estudante sira atu aproveita oportunidade hodi aprende tanba liu husi estajiu bele loke hanoin no hatene oinsá mak bele halo servisu ida.

Alende ne’e husu mós ba inan aman sira atu fó oportunidade ba oan sira para bele aprende  tanba Nasaun Timor-Leste atu avansa ho dezenvolvimentu presiza ema ne’ebé iha kualidade ba mental no matenek.

Entertantu estudante sira ne’e sei hala’o estajiu durante fulan rua (2).

Leky Mauk

Comment