by

KORENTI MOTA LAKLO AMEASA KOMUNIDADE IHA BAIRO WEKAKA-OAN POSTU ADMINISTRATIVU ALAS

Manufahi News RKM Same 1912========= Komunidade uma kain 43 ho totál populasaun 192 iha Bairo Wekaka-oan aldeia Lakluan, Suku Dotik, Postu Administrativu Alas, hetan ameasadu husi korenti mota Laklo ho mota wé ain-foun impaktu husi udan boot.

Administradór Postu Administrativu Alas Leopoldo Barreto informa jornalista radio komunidade  katak impaktu udan boot hahú loron 16 fulan-Fevereiru semana kotuk to’o agora, volume korenti mota Laklo naresin aumenta tan korenti mota wé ain-foun ameasa populasaun sira nia hela fatin, to’os no natar ai-horis inklui patrimoniu estadu. segund-feira nee 01/03.

Administradór Postu Alas isplika katak impaktu husi korenti mota rua ne’e afeta mós ba movimentasaun komunidade sira iha Postu Alas paradu total.

Atu resolve situasaun hirak ne’e, Administradór Postu Alas informa ona ba Administradór Munisípiu Manufahi no kanaliza informasaun ba Ministériu Obras Públika atu rezolve hodi salva komunidade sira, tanba ne’e Institutu Gestaun Ekipamentus (IGE) iha semana ne’e nia laran sei normaliza korenti mota rua ne’ebé fó ameasa hela ba komunidade sira iha bairo Wekaka-oan.

Entretantu impaktu husi korenti mota Laklo ho mota wé ain-foun, dadaun ne’e afeta mós ba sirkulasaun komunidade postu Alas ba-mai kapitál Munisípiu Manufahi.BRTK

Comment