Manufahi___RKM News : Ekipa Komisaun Prevensaun Covid 19, Prezidente ho ninia Vice nain rua realiza Enkontru hodi deside Reativa hikas postu hat (4) iha Munisípiu Manufahi hodi kontrolu sidadaun ne’ebé halo movimentu tama sai ilegal. Enkontru ne’e hala’o iha Administrasaun Munisípiu Manufahi..Segunda (08/03)
Tuir Comandante Comando Polísia Manufahi Superintendente Joni Viana Das Regras hanesan mós Vice Prezidente ba Komisaun Prevensaun Covid 19 Munisípiu Manufahi hateten Enkontru ne’e hala’o ho objetivu atu reativa hikas postu Hat hodi halo kontrolu ba sidadaun ne’ebé tama sai Munisípiu Manufahi ho ilegalmente.
Postu hat ne’e establese iha Lesuati baliza Postu administrativu Same vila Munisípiu Manufahi ho Postu administrativu Maubisse Munisípiu Ainaru, Daisua Simpantiga baliza Postu administrativu Same Vila Munisípiu Manufahi ho Postu administrativu Fatu-Udu Munisípiu Ainaro, postu Betano no postu Mota sahen baliza entre Postu administrativu Fatuberliu Munisípiu Manufahi ho Postu administrativu Natarbora Munisípiu Manatutu..hakotu Komandante Polísia.
Entertantu Postu de kontrolu hat ne’e sei monta kada Postu Membru polísia hamutuk ho pessoal servisu saúde Sira, hodi bele halo kontrolu ho regirozu ba sidadaun ne’ebé tama sai ilegal iha area dores Munisípiu Manufahi.
Leky Mauk
