Manufahi News RKM—Non Government Organization (NGO) Luta Ba Mudansa (LBM) apoiu fasilidade prevensaun Corona Virus Sanolu resin sia (Covid-19) hodi fase liman ba Escola Sekundariu Tekníku Vokasional (ESTV) Ekonomi Komersiu Akadiru-Hun Same inklui fahe informasaun kona-ba pandemia surtu Covid 19.Kinta11/03
Tuir project manager NGO Luta Ba Mudansa (LBM) José dos Reis informa objetivu importante husi aktividades ne’e mak fahe informasaun ba estudante sira kona-ba prevensaun Covid-19 no fahe mós stiker no brosura ba estudante hodi hare kona-ba maneira oinsa atu fase liman tuir tipu ne’ebé iha.
Aliende ne’e LBM mós fó hanoin ba estudante sira atu ho inan aman inklui autoridade sira atu hare ema ruma karik tama illegal mai iha munisipíu nune’e fó hatene ba autoridade sira nune’e hodi halo intervensaun.
Entretantu fatin hanesan adjuntu Escola Sekundariu Tekníku Vokasional (ESTV) Ekonomi Komersiu Akadiru-Hun Same, Manuel Sequera Bareto husu estudante sira atu kumpri lei no regras neebé NGO LBM no saúde fahe hodi hado’ok a’an husi moras Covid 19 iklui moras seluk.
Antes ne’e LBM fo apoiu ona fasilidade fase liman hanesan balde bo’ot ualu (8) sabaun kaixa ida (1) nune’e atu instala iha area eskola nune’e estudante ho profesores sira fase liman antes tama ba aula.BRTK
