Manufahi RKM News=====Komadante komandu Polísia munisípiu Manufahi, suprintendenti polísia Joni Viana Das Regras hanesan visé presidenti komisaun task-force covid-19, hato’o asuntu hirak ne,e iha enkontru evaluasaun servisu komisaun task-force covid-19 munisípiu Manufahi salaun administrasaun.
‘’Tamba observasaun polísia nian, durante estadu aplika serka sanitáriu iha Dili no munisípiu sira seluk, komunidade iha Manufahi seidauk iha konsiénsia kumprí regras protokólu Saúde nian hanesan uza maskrá,fasé liman bebeik no distánsia sosiál, kuandu komunidade sira uza maskrá hare fali ba siguransa, wainhira hetan polísia ho F-FDTL komunidade sira tau maskrá, ne’e hatudu katak komunidade nia vída iha fali seguransa nia liman.katak Komandante iha Segunda feira semana ne,e ,(22/03).
Visé presidenti komisaun covid-19 munisípiu Manufahi ne’e, apela ba membru no strutura komisaun task-force covid-19 munisípiu, atu labele baruk halo aprosímasaun ho komunidade sira nafatin kumprí protokólu saúde nian hodi perevene-an husi transmisaun lokál covid-19 iha munisípiu Manufahi, parte polísia nafatin kumprí ninia dever fó hanoin ba komunidade sira, atu respeita protokólu saúde uza maskrá, fasé liman bebeik no mantein destánsía sosiál, hodi prevene-an husi transmisaun lokál.
Superintendenti polísia Joni Viana Das Regras saliénta, iha parte seluk komisaun covid-19 esforsu atu prevene stok ai-haan menus iha Manufahi durante serka Sanitáriu iha Dili, komandu polísia Manufahi hamutuk ho administrasaun munisípiu fasilita fó karta autorizasaun ba Lóza sira iha Manufahi, ba sosa sasan nesesidade báziku,kombustivel inklui sasan sira seluk iha fronteira Aileu-Dili, no rezultadu munisípiu Manufahi dadaun ne’e la iha problema kona ba stok nesésidade báziku kombustivél no sasan loza nian sira seluk.
Jornalista : Eva Marques
Editora :Senya Carmo
