by

GOVERNU APOIU EMERJÉNSIA BA VÍTIMA DEZASTRA UMA KA’IN 41 IHA MANUFAHI.

Manufahi News RKM ========== Vitima dezastre naturais uma ka’in 41 iha munisípiu Manufahi hetan apoiu emerjénsia husi governu. Kinta Loron (08/04)

Administradór munisípiu Manufahi Arantes Isaac Sarmento hateten, komunidade afeta uma ka’in 41 ne’ebe anin sobu tanba akontese udan no anin bo’ot iha loron 01 fulan-Abril foin lalais, rezulta komunidade nia uma 13 maka hetan estragu total, no uma 28 maka hetan estragu kamán, hafoin akontesementu dezastre ne’e ekipa verifikasaun to’o kedas fatin akontesementu halo kedas verifikasaun hodi fó apoiu emerjénsia, no apoiu emerjénsia ne’e hanesan, fós superme biskuit no sasan sira seluk tan, hanesan apoiu emerjénsia atu rekopera de’it situasaun ne’ebé komunidade sira infrenta.

Haktuir Arantes Ba Jornalista  iha postu antigu same munisipiu manufahi

Husu komunidade sira atu prevene-an husi dezastre naturais, li-liu komunidade sira presisa tesi-ai ne’ebé fó ameasa atu nune’e bele hases-an husi fatiin ne’ebe risku ba rai monu no besik mota ibun” dehan Arantes

Vitima dezastre Albertino Barros, husi Aldeia Riatu suku Daisua postu administrativu Same informa katak nia uma hetan estragu total tanba anin sobu, tanba ne’e vitima uma ka’in ho total familia na’in 7 ne’e provizóri hela ho viziñu sira, tanba ne’e husu governu atu apoiu material kontruksaun hodi harí hikas fali ninia uma.

Entretantu dadus kona ba dezastre naturais ne’e, tuir planu sei kanaliza ba governu sentrál hodi buka solusaun ba vitima dezastre sira nia uma ne’ebé hetan estragus husi anin bo’ot iha munisípiu Manufahi. BRTTK

 

 

Comment