by

Impaktu husi Serka Sanitaria Produtu Komunidade nian la folin

Manufahi____RKM News, iha loron kinta (15/4) komunidade sira ne’ebe  fan sira nia Produto iha dalan ninin senti triste tebes tamba sira nia produtu ne’ebe fan iha dadan ninin la folin tamba la iha movimentu transporte ba mai Dili no Same.

Tuir komunidade ne’ebe hela iha Aldeia Datina Suco Holarua Posto Administrativo Same Anzelino pereira haktuir ba Jornalista radio komunidade iha nia fatin fan sasan katak oras ne’e dadaun sira nia produtu la folin dodok sai soe no hodi fo han fahi deit.

Nia akresenta, Ami nia produtu ne’ebe ami fan mak hanesan lakeru mutin,koto nurak,lakeru timor no modo tahan sira, aifuan mak hanesan aidila, avokate has pipinu,inklui talas no fehuk sira,uluk seidauk iha Serka Sanitaria hau fan loron ida hau bele hetan dollar sanulu($10) ou bele  mos to dollar rua nulu($20) mais agora susar los atu hetan hanesan uluk tamba estadu kria ona Estadu Emerjesi ho Serka Sanitaria entaun ami nia produtu fan to loron rua tolu ema la sosa sai dodok deit no soe deit, hanesan ohin imi hare dalan mamuk los kareta la halai entaun loron ida bele hetan deit dollar ida ($1.00) sorte diak bele liu, Osan sira ne’ebe hau hetan hodi selu oan ba eskola no sosa sira nia farda eskola nian sosa mos aihan baa mi han hanesan ita agricultura ita nia moris mak nune ona;dehan Anzelino

Tuir Observasaun Jornalista radio komunidade iha tereno nota katak iha dalan publiku diresaun Dili no Same la iha BUS ne’ebe halo movimentu hanesan uluk iha deit mak kareta Gerry mak movimentu ba mai hodi tula modo iha Posto Maubisse ba mai.

Jornalista : Vas.

Comment