Manufahi_____RKM News.Iha loron segunda (12/04) nee Komandante komandu polísia Manufahi husu estudante sira ne’ebé kuarentena iha Same labele fiar informasaun falsu ne’ebé mak lansa iha públiku sai fali sasukat ba sidadaun sira nia vida, tanba saúde iha ita nia liman rasik hili loos bele salva vida.
Superintendenti polísia Joni Viana das Regras horsehik lorokraik hato’o asuntu ne’e wainhira komisaun covid-19 munisípiu ba halo sosializasaun kona ba regras kuarentena ba estudante Manufahi oan hamotuk na’in atus ida sia nulu resin rua (192) ne’ebé desloka husi Dili no aplika kuarentena iha sentru formasaun edukasaun Orbo Same
Haktuir Komandante Joni Viana Ba Jornalista Segunda (12/04) iha Orbo Postu administrativu same Munisipiu manufahi.
“komisaun covid-19 Manufahi aprésia no parabens ba estudante sira ne’ebé kuarentena iha Orbo Same hatudu koperasaun dia’ak maibe estudante sira hanesan futuru nasaun nian labele fiar ilustrasaun no informasaun falsu ne’ebé ema lansa iha públiku kona ba covid-19, tanba covid-19 sai vírus ne’ebé perígu tebes ba sidadaun nia vida” dehan komandante Joni
Fatin hanesan estudante Deolindo Coli-Mali Nunes de Andrade, No estudante Laudias Matias Mesquita Fernandes no estudante Diógo Afonso da Costa Fernandes hato’o sira nia preukupasaun ba komisaun kovid-19 munisípiu Manufahi kona ba fatin kuarentena kondisaun la dún diak inklui haris fatin no sintina limitadu la sufisiente ba estudante sira hamotuk na’in atus ida sia nulu resin rua (192) susar atu kumpri distánsia sosiál
Responde ba preukupasaun estudante sira nian diretóra servisu munisípal Saúde Manufahi Florençia Corte-reál Tilman hateten parte saúde koloka estudante sira iha fatin kurentena Orbofahe ona estudante sira ne’ebé tama uluk no tama ikus kuarentena balun iha andár leten no iha salaun parte kraik ho objetivu atu kumpri regras distánsia sosial no sintina no harís fatin maske limitadu maibe orentasaun klaru uza sintina kumpri nafatin distánsia sosiál maibe estudadante sira maka la kumpri orentasaun no balun kontinua halibur hamutuk konsikuensia maka estudante sira ne’ebé kuarentena iha Orbo hotu-hotu tenki hein rezultadu SWAB foin re-ntegra ba familia maske balun atama uluk no balun tama ikus
Nune’e mós administradór munisípiu Manufahi Arantes Isaac Sarmento hanesan presidenti komisaun covid-9 hateten kona ba sintina ne’ebé intupidu komisaun sei kordena ho servisu agua saniamentu atu resolve kona ba fatin kuarentena iha Orbo la’os fatin kuarentena nian tanba tuir regras postu entrada iha Leusate la autoríza estudante sira ne’ebé desloka husi Dili hanesan munisípiu ne’ebé afetadu husi covid-19 labele tama mai iha Munisípiu Manufahi, tanba estudante sira la kumpri ona regras la iha rezultadu SWAB no karta autorizasaun maibe tanba situasaun obriga komisaun foti desizaun situasionál ba fatin kuarentena iha Orbo la’os desizaun definitivu hodi halo kuarentena ba estudante sira hodi halo prevensaun ba covid-19 ba estudante sira nia família no sidadaun tomak iha Manufahi
Administradór Manufahi ne’e husu estudante sira hanesan jerasaun foun ba Manufahi atu kopera di’ak ho autoridade sira nune’e bele salva povo Manufahi husi vírus perígu ida ne’e
Entretantu total estudante ne’ebé desloka husi kapitál Dili ne’ebé kuarentena iha kapitál munisípiu Manufahi ho total ema na’in atus rua tulu nulu resin neen (236) no estudante hamotuk rua nulu resin (29) maka re-integra ona ba familia, inkluin tama foun iha ema hamotuk na’in tolu resin ida (31) no estudante hamotuk na’in atus rua lima (205) maka dadaun ne’e kuarentena iha Polo UNTL Same no balun kuarentena iha residénsia kompaña Tinolina no balun iha sentru formasaun edukasaun munisípiu Orbo Same sidadaun hamotuk na’in sanolu resin neen 16 mak aplika auto kuarentena. (Vas).
