Friday, March 29, 2024
spot_imgspot_img
HomeNotisiaSidadaun na’in 12 iha Same positivu covid-19

Sidadaun na’in 12 iha Same positivu covid-19

Manufahi___RKM News iha loron Sesta (16/04) nee Estudante hamotuk na’in atus ida sia nulu resin rua (192) kuarentena iha Orbo Same na’in sanolu resin rua12 detekta hetan positivu covid-19 no lakohi atu  transporta ba fatin Izólamentu Tasi-Tolu Dili.

Diretóra Servisu munisipal Saúde Munisípiu Manufah Florençia Corte-Reál Tilman, informa katak estudante  hamotuk atus ida rua nulu resin rua (192) ne’ebé desloka husi Dili no kuarentena iha Orbo Same no médiku sira halo Swab haruka ba teste iha Dili rezultadu fó sai iha kinta-feira horikalan  kalan estudante na’in 12 maka positivu covid-19 kompostu feto na’in 9 no mane na’in 3.

Haktuir Diretora ba Jornalista sesta (16/04) iha fatin Cuarentena orbo postu same, munisipiu manufahi.

Tuir Diretóra Florençia katak estudante na’in 12 ne’e ohin Sesta-feira (16/04) ohin, atu transporta ba fatin izolamentu tasi-tolu Dili, maibé mosu dezentendementu husi estudante sira inklui inan-aman balun halo asaun potestu hodi  la konkorda atu transporta ba fatin izolamentu Dili,

Tanba ne’e diretóra Saúde liga kedas ba administardór munispiu Manufahi mai iha fatin kuarentena, halo negosiasaun ho estudante no inan-aman sira konsege hetan solusaun,  no inan-aman ho estudante sira kokorda estudante na’in 12 ne’ebé positivu  la transporta ba Dili  maibe halo izolamentu iha kajérna polisia Manufahi  iha suku Holarua postu administrativu Same no estudante na’in 180 ne’ebé  kuarentena iha  orbo Same, sei kontinua aplika kuarentena no liu loron 5 sei hasai hikas swab hodi haruka ba Dili.

Diretóra ne isplika katak relasiona ho fatin izolamentu iha kajérna polisia nian la iha fasilidade hanesan kulisaun, tanba ne’e saúde Manufahi foti desizaun atu transporta sira na’in 12 ne’e ba fatin izolamentu tasi-tolu Dili tanba fasilidade kompletu maibe inan-aman sira la kohi nia oan sira atu lori ba Dili tanba ne’e inan-aman sira konkorda apoiu aranja kulisaun hodi fasilita estudante sira iha fatin izólamentu Same.

Entretantu  iha prosesu atu transporta estudante na’in 12 ba fatin izolamentu hetan protestu husi estudante sira hodi ejiji ba komisaun Covid-19 fasilita fatin kuarentena ne’ebé seguru ba estudante sira, tanba fatin kuarentena iha orbo same, tanba fatin kuarentena iha orbo Same kondisaun la di’ak no haris fatin la sufisiente ba estudante sira atu kumpri distánsia sosial,  no fasil liu covid-19 bele da’et ba estudante sira ne’ebé negativu. (Vas).

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

TRENDING SEMANAL

0
Would love your thoughts, please comment.x
()
x