Manufahi____RKM News==== Quinta Feira(22/04) Administradór munisípiu Manufahi no ekipa obras Públika Kinta-feira ne’e vizita joventude no komunidade sira inisiativa rasik ke’e no hadia estrada antigu ne’ebé aat durante tinan 18 iha aldeia Searema suku babulo postu administrativu Same.
Administradór munisípiu Manufahi, Arantes Isaac Sarmento hateten vizita ida ne’e ho intensaun atu haré direritamente, insitiativa joventude ho komunidade ke’e no hadia estrada ne’ebé aat no abandona ona durante tinan 18, nune’e governu bele apoiu fali materiál balun hanesan bronjong no manila hodi fasilita komunidade sira, atu finaliza estarda ne’ebé aat hodi uza provisóri,nune’e mós liu husi vizita ne’e governu lokál bele hatama iha planu dezenvolvimentu ba tinan 2022 nian.
Administradór Manufahi ne’e akresenta governu lokál aprésia ba inisiativa joventude no komunidade searema ne’ebé iha rasik inisiativa kontribui ba dezenvolvimentu.
Fatin hanesan komunidade Júlio Perreira Tilman hanesan mós joventude hateten servisu voluntária ne’e inistiva mai husi joventude no komunidade sira tanba estrada husi sidadae Same ba aldeia Searema iha estarda rua ida husi dirasaun aldeia Manico nian ho distánsia ne’ebé dook no hahú aat, no estarda ne’ebé komunidade sira dadaun ne’e hadia besik liu la to’o kilomeru ida, maibe durante tinan 18 nia laran aat la hadia hodi difikulta komunidade sira atu asesu ba merkadu inklui inan isin rua sira.
Tanba ne’e joventude ho komunidade sira organizasa malu konsege ke’e no hadia estrada ho distánis metru atus rua resin durante loron tolu nia laran konsege finaliza hodi fasilita komunidade sira asesu ona ba transporte públiku,no joventude ho komunidade sira sei kontinua hadia wainhira governu lokál apoiu tan Manila hodi hadia ponte iha kadalak parte searema nian.
Iha sorin seluk xéfi aldeia Searema suku Babulo postu administrativu SamePedro laranjeiraaprésia ho vizita administradór ho ninia ekipa bele haré direitamente servisu voluntária komunidade ho joventude sira tanba estarda ne’e fasilita komunidade 3.000 resin ho total uma ka’in 334.
Entretantu servisu voluntári ne’e komunidade no inan-feton sira iha aldeia searema kontribui hahan modo ba joventude no komunidade sira ne’ebé hadia estarda refere. (Vas
