by

Serka Sanitaria fo Impaktu ba Inan Faluk Lucinda ne’ebe Moris Ho nia Negosio Rasik

MANUFAHI____RKM News  Lucinda Da Silva Hanesan inan nebe faluk ho idade neen nulu resin No nia moris filak liman ho nia negosio rasik, maske nunee inan faluk nee iha dezafiu oi-oin maibe nia iha nafatin espiritualidade halao nia servisu hodi sustenta nesesidade familia.

Tuir inan faluk Lucinda Da Silva, deklara, hau nia oan iha nain tolu (3) feto rua (2) mane ida (1), No Feto rua(2) nee forma uma kain oan, mane ida eskola maibe sai tia iha pre-segundaria tanba laiha kbiit no atu seluk ba eskola, no agora nia sei Joven.

Haktuir inan faluk Lucinda ba Jornalista Sexta (23/04) iha aldeia Karbulau, suku holarua, postu Administrativu same munisipiu manufahi.

“Hau nia lain mate atu besik tinan rua resin ona, hela ami nain haat (4), entaun hau fila liman ho hau nia negosio rasik, no buat nebe mak hau faan hanesan, faan tua mutin, abokati, lakeru mutin, inklui ai-han sira seluk” dehan lucinda

Inan faluk nee sublina, problema nebe mak ami hasoru hanesan,  se bainhira ai-fuan no ai-han ami faan ema hola hotu ami kontenti, kuandu ema la hola hanesan abokat dodok inklui lakeru mutin tenke lori fila ba hodi fohan fali fahi.

Nia Argumenta, bainhira governu seidauk aplika serka sanitaria nee, sasan nebe faan folin, se bainhira governu aplika ona serka sanitaria dalan mos taka, la halo ema movimentu ba mai, entaun ida nee susar tebes ema atu hola sasan sira nebe mak ami faan, no sasan sira ami faan balun dodok no balun soe deit. (Vas).

 

 

 

 

Comment