by

UNDP hamotuk Ho Estudante IPB Dezenvolve Kuda Ai-oan 2.750 Iha Betanu

Manufahi___RKM News====Sesta (23/04) nee Unites Nations Development Programme (UNDP) Hala’o prozetu ida ho naran Arafura Timorsea (ATSEA) Hamotuk ho Estudante Instituite Politeknik Betano (IPB) Kuda oan ai-oan Hamotuk rihun rua atus hitu lima nulu(2.750) iha fatin hanesan, Betanu,susurai kraik, susurai leten, inklui selihasan.

Iha lansamentu Nee Kordenador Prozetu kampun ATSEA, Almarindu Oliveira, informa, prozeitu ida nee ita hanaran Arafura Timorsea (ATSEA) nebe mak hala’o servisu hamotuk ho nasaun haat (4) hanesan Australia, indonesia, Papua Nova Gine, inklui Timor Leste rasik, husi programa nee iha tinan kotuk ita halo iha norte, no tinan ida nee ita fokus liu ba iha parte sul hanesan, suai, Viqueque, Manatutu, ho manufahi.

Haktuir ba Kordenador prozetu ATSEA Almarindo Ba Jornalista sesta (23/04) iha susurai, Suku Betanu, postu Administrativu same munisipiu manufahi.

“Programa ida nee rasik nia serbisu no kontribuisaun ba agrologia no protesaun rai nebe mak iha foho leten, liu-liu ba rai sira nebe mak monu bebeik, No metode nebe mak ita uza,  ita tenke tau ba iha komunidade sira nia to’os, atu nunee ita la presiza selu tan ema atu hare, No ai-oan nebe ita kuda komunidade nian no sira bele tau matan hodi bele salva rai husi erosaun” dehan Almarindo

Kordenador nee sublina, Alende ida nee ita mos kuda ai-oan iha tasi ibun ka proteze area maritima No ita hare liu ba iha bee moris sira, oinsa mak ita bele konserva ai-oan sira bele moris ho ai abut sira bele fo fatin ba ikan tolun atu produs nafatin ikan iha tasi, tanba protesaun ida nee ita bolu biodiversidade agro egologia entre rai tetuk no foho leten.

Iha fatin hanesan Presidente Autoridade Munisipiu Manufahi, Arantes Isaac Sarmento, hateten,  hanesan serverdor povu ida iha munisipiu manufahi, agradese tebes ba iha programa ida nee, No Hau Hanoin programa ida nee importante tebes, tanba ita hotu hatene No rona katak governu ka estadu fo sai katak sidadaun ida tenke iha ai-hun ida, atu nunee bele sai mahon ba ita nia rain rasik.

“ita haforsa tan programa ida nee mak liu husi arafura Timorsea ATSEA nebe ba area tasi timor ninian liga ho programa kuda ai-oan hodi halo proteze ba ita natureza sira inklui foho leten sira nebe mak tinan udan sempre iha impaktu rai monu no rai halai atu la bele hamosu tan husi erosaun”

Nune’e Administrador, husu ba komunidade hotu atu kontribui ka apoiu ema ida-idak atu iha kintal no fatin nebe mak sempre iha impaktu rai monu, No husu mos ba Autoridade suku no aldeia sira tenke iha hanoin atu konserva Foho sira atu kuda ai-oan, Nunee konserva mos bee matan sira nebe mak iha atu hodi utiliza ba iha tempu naruk.

Iha lansamentu kuda ai-oan nee hetan partisipa husi Autoridade Munisipiu manufahi, Direktor eskola instuite Politeknik Betano(IPB) Inklui Estudante, No total ai-oan nebe mak kuda hamotuk rihun rua atus hitu lima nulu(2.750) husi ai-oan hirak nee kuda ba iha fatin haat hanesan, susurai kraik, susurai leten, Betanu, no selihasan.(Vas).

Comment