Manufahi RKM News====Komandante komandu polísia Muisípiu Manufahi, superintendenti polísia Joni Viana das Regras segunda-feira (26/04), Ba Jornalista Katak sidadaun na’in 100 resin maka tama mai iha área munisípiu Manufahi, liu husi dalan tikus husi munisípiu Manatuto,inklui balun liu husi Munisípiu Ainaro, tanba ne’e parte polísia kontinua esforsu hodi hametin siguransa hodi kontróla sidadaun ne’ebé la kumprí regras.
Komandu polísia munisípiu Manufahi, kontinua mantein vizilánsia iha postu entrada báliza entre munisípiu Manufahi ho Ainaro no Manatuto, hodi kontróla sidadaun ne’ebé tama-sai iha Munisípiu Manufahi ba prevensaun transmisaun lokál covid-19.
horsehik ba jornalista sira informa katak, Manufahi detekta ona kázu positivu hamutuk 40 resin agora iha fatin izólamentu Same, tanba maiória estudante sira halo viajém mai husi fatin afetadu covid-19 Dili no kuarentena iha Same, tanba ne’e atu halo prevensaun ba transmisaun lokál polísia haforsa vizilánsia ho regoróju iha postu entrada Leusate, Daisua no Fatuberliu, hodi kontróla sidadaun ne’ebé tama-sai no la kumprí protokólu saúde nian.
Tamba Ne,e Polísia sei la tolera sidadaun ne’ebé la kumpri regras, kuandu la iha karta rezultadu swab no karta autórizasaun husi sentru integradu jestaun Kríze (SIJK), sei haruka fila no la autoriza tama-sai iha área munisípiu Manufahi.
Entretantu dadus ikus kona ba kázu positivu iha Manufahi, ne’ebé jornalisra sira rekolla tersa-feira ohin (27/04), husi responsável vizilánsia pilar 3, Dotór Aquino Doutel Sarmento relata katak kázu posítivu dadaun ne’e hamutuk 46, no na’in 6 maka rekopera ona hodi re-integra ona ba familia, sidadaun na’in 90 aplika auto-kuarentena no na’in 2 kuarentena iha Same.
Jornalista : Eva Marques
Editor : Vascu Mendez
