by

Komunidade Bairo Nularan-B,Husu Atu Muda Fatin Izolamentu iha Sira Nia Bairo

Komunidade iha Bairo Nularan-B iha sidade Same vila, ejiji ba Komisaun Task-Force Covid-19 Munisípiu Manufahi, muda sidadaun posítivu na’in 4 iha fatin izólamentu Gramaña Motel, tanba fó risku ba komunidade iha Bairo ne’e,  Ejijencia Ne,e hato,o  husi portavós Fransisco Doutel Sarmento iha konferénsia  imprensa kuarta-feira (28/04 Ohin

Tuir  Portavos komunidade bairo Nularan-B Fransisco Doutel Saramento Ba Jornalista sira katak  Husu  ba Komisaun Task-Force, atu muda sidadaun sira ne’ebé positívu iha fatin izólamentu ne’e, tanba iha loron 5 liu ba kotuk Komisaun Covid-19 promete ba komunidade sira, liu-loron 3 sei muda sidadaun na’in 4 ne’ebé postivu tau iha fatin seluk, maibé agora loron 5 ona seidauk muda husi fatin izólamentu husi Bairo ne’e.

 

Fransisco katak komunidade iha bairo ne’e, prontu kopera ho servisu saúde hodi halo prevensaun ba virus perígu ne’e, maibe komunidade sira sente tauk tanba sidadaun sira ne’ebé positivu Covid-19 halo izólamentu besik liu komunidade sira nia hela fatin, sei fó risku ba komunidade sira.esplika Nia

 

Fatin hanesan joventude Benígno Pedro Marçal Belo, sente preukupa tanba núdar joven prontu kolabora ho saúde, maibe sidadaun positivu ne’ebé halo izólamentu besik liu komunidade no fó risku liu ba labarik sira, tanba sidadaun sira iha fatin izólamentu fó fali osan no haruka ba labarik sira iha Bairu ne’e, ba sosa sasán iha kios hodi atende sira nia nesesidadae lor-loron, bele hadaet fali vírus ne’e ba komunidade nia oan sira iha bairo ne’e.

 

Hatán ba preukupasaun ne’e, Administradór Munisípiu Manufahi Arantes Isaac Sarmento, hanesan Presidenti Komisaun Task-Force covid-19 Munisípiu hateten, komisaun konsidera ejijénsia husi komunidade sira, tanba ne’e atu klarifika katak sidadaun na’in 4 ne’ebé positivu tau iha izólamentu iha Gramaña Motel ne’e, provizório de’it sidadaun postivu sira ne’e la dún gráve hodi hein rezultadu SWAB.

 

Entertantu  tuir planu kuarta-feira (28/04) ohin, sei fó sai rezultadu SWAB ba sidadaun na’in 4 ne’ebé positívu iha fatin izolamentu Gramaña Motel, kuandu rekopera ona bele re-integra ona ba familia.esm

Comment