Manufahi RKM News___Meiu Ambiente halo sorumutu hodi halo levantamentu ba dadus ambiental ho objectivu atu bele hatene klean liu tan kona ba kondisaun ambiente iha ita nia Rai, liu- liu Munisipiu Manufahi…( Segunda, 24/05 )
Diretora Nacional Centru Edukasaun Ambiental Amenica Maichado Fernandes hateten sorumutu ne’e relaliza tanba hare ba problema ambiental iha ita nia Rai ho ida ne’e maka Sekretariu Estadu Meiu Ambiente tinan ida ne’e orienta actividade Levantamentu dadus ambiental iha Munisipiu hotu primeira vez hala’o iha Munisipiu Manufahi.
Espera ho levantamentu dadus ida ne’e bele hatene estatus ambiental, sai hanesan referensia hodi bele submete ba iha Konselu Ministru ka Governu bele sai mos referensia ida wainhira atu Dezenvolve programa ou politika ruma tenki hare mos ba iha problema Ambiental.. Tenik Diretora Meiu Ambiente.
Fatin hanesan Administrador Munisipiu Manufahi Arantes Isac Sarmento agradese no apresia ba Sekretariu Estadu Meiu Ambiente ho hanoin diak bele realiza actividade levantamentu dadus ambiental hodi hatene diak liu tan kona ba problema ambiente iha Munisipiu Manufahi,
Dala ruma ita halo Infrastrutura, ita ladun tau inportansia ba Ambiente tanba ita menus informasaun, Fiar katak ho levantamentu dadus ida ne’e bele ajuda ita ida idak hodi konserva ambiente ho diak tanba koalia kona ba ambiente parte ida mos kontribui ba dezenvolvimentu rai ida ne’e nian. Se ita konserva ambiente didiak, Dezastre Naturais sei la akontese, Bee sei la menus ba ema hotu no bele mos dada Turista sira mai vizita ita nia Rai.. Hakotu Administrador Manufahi
Jornalista : Eva Marques
Editor : Leky Mauk
