by

‘’ALAS’’Suku Umaberloik Deklara Suku Ijeniku (ALMO)

Manufahi RKM News====Komunidade suku Umaberloik Postu administrativu Alas Sesta-feira (21/05), ofisiálmente deklara ba públika núdar suku ijéniku ka suku área liman mós (ALMO).

 

Iha serimónia deklarasaun suku ijéniku ne’ebé realiza iha sede suku Umaberloik, Séfi suku Umaberloik Bernado Fernandes Flore ho komunidade sira deklara, iha loron 1 fulan-Maiu tinan 2021 deklara ba públiku suku refere deklara área liman mós ka nu’udar suku ijéniku iha postu administrativu Alas.

 

Séfi suku umaBerloik ne’e relata, molok suku ne’e deklara nu’udar ijéniku maibé  iha implementasaun hodi hasa’e konsiénsia komunidade nian, atu halo sintina no prepara fasilidade fase-liman liu husi prosesu ne’ebé defisíl no tempu naruk, maske nune’e liu husi esforsu lideransa komunitária, servisu saúde,administradór postu Alas, ofisiál polisia komunitária konsege motíva komunidade sira halo sintina rasik tuir uma ka’in, kompostu sintina permanenti hamutuk 63, sentina semi permanenti 112, sintina manuál 33, no fasilidade fasé-liman ne’ebé prepara kada uma ka’in hamutuk 292.

 

Fatin hanesan programa menejer bee no saniamentu Fundasaun luta ba Futuru, Armando da Silva hanesan sekrétariu programa área liman mós munisípiu Manufahi hateten, programa área liman mós (ALMO) programa pilótu ne’ebé implementa hahú iha tinan 2019 iha postu Alas, no suku Holarua postu administrativu Same, programa ALMO ne’e implementa kontinuasaun husi programa área la soe foer boot arbiru (ALFA), ho objetivu atu muda konsiénsia komunidade nia moris ho ambiente mós hodi hadok-an husi moras oi-oin, programa ne’e implementa iha Manufahi involve autóridade husi nivél munisipiu, administradór munisípiu maka lidera programa ne’e, postu to’o nivél suku inklui komunidade sira,servisu hamutuk entre governu Timor leste ho parseiru sira hanesan waterAid, water for women, Australia Aid, Care, fundasaun luta ba Futuru no luta ba mudansa no parseiru implementadór sira seluk.

 

Nune’e mós program menejér waterAid munisípiu Manufahi, Francisca Doutel Sarmento fó parabens ba administradór postu Alas ho lideransa komunitária sira, tanba  iha postu administrativu Alas hanesan postu dahuluk iha Manufahi ne’ebé deklara ona área liman mós (ALMO) ka suku ijéniku iha suku 2, tanba ne’e watwrAid sujere ba lideransa komunitária iha suku Umaberloik, atu motíva nafatin komunidade sira atu mellora dia’k liu tan sintina 33 ne’ebé sei manuál, nune’e bele kría ambiente ne’ebé mós hodi hadok komunidade sira husi moras oin-oin.

 

Administradór post Administrativu Alas Leopoldo Barreto, nu’udar responsável programa ALMO iha postu Alas, agradese ba parseiru dezenvolvimentu sira ne’ebé kontinua tulun governu hodi implementa programa Almo iha postu Alas, no autoridade nafatin esforsu hodi fó suksesu programa Almo iha postu administrativu ne’e.(ekipa kobertura).

Comment