by

Vise Ministru Mae, Lansa Kartaun Identidade Ba Ekipa Linha-Frenti Komisaun Covid-19 Manufahi

Manufahi RKM News===Visé ministru administrasaun estatatal (MAE) Kuinta-feira (28/05) horsehik, halo lansamentu intrega kartaun identidade ba ekipa liña-frenti komisaun task-force covid-19 munisípiu Manufahi iha postu administrativu Alas.

 

Hafoin halo lansamentu Visé ministru MAE Lino de Jesus Torezão, husu ekipa liña-frenti sira ne’ebé simu ona kartau identidade covid-19 nian, hala’o knár ho responsabilidade tuir legalidade ne’ebé hatúr ona iha dekrétu governu, rezolusaun no rejímentu sira seluk, hodi kombate covid-19 iha Munisípiu Manufahi, durante estadu emerjénsia no serka sanitária ba prevensaun covid-19 iha Timor leste.

 

Fatin hanesan programa menejer Fundasaun luta ba Futuru (F-LBF), Armando da Silva nu’udar sekretariadu asuntu parséria komisaun task-force covid-19 Manufahi hateten, sekretáriadu covid-19 munisípiu halo parséria ho asosiasaun servisu redusaun dezastra Timor leste (ASETL), hodi apoiu prodúz kartaun identidade hamutuk 100 ba ekipa front-line sira postu administrativu fatin 4  iha Manufahi.

 

Armando informa, iha lansamentu ba kartaun identidade ne’e ba ekipa téknika komisaun covid-19, kompostu administradór munisípiu hanesan presidenti komisaun covid-19, komandante komandu polísia Manufahi hanesan visé sekretáriu asuntu siguransa, reprezentante diretóra servisu Saúde, administradór postu Alas no ekipa jornalista sira iha Manufahi, hafoin sei intrega mós kartaun ne’e ba ekipa téknika sira seluk ne’ebé durante  ne,e hala’o knár ba prevensaun covid-19 iha nivél munisípiu postu administrativu to’o nivel suku no Aldeia.

 

Sekretáriadu covid-19 munisípiu ne’e subliña, asosiasaun servisu redusaun dezastra Timor leste (ASETL) apoiu mós materiál sira seluk ba prevensaun covid-19 iha Manufahi, hanesan broucher, Poster, Stiker no Baner.

 

Komisaun halo parseiru ho Fundasaun Luta ba Futuru, WaterAid Timor leste, ba programa área liman mos (ALMO), iha Munisipiu no halo sensibilizasaun ba lideransa Komunitáriu, Ofisial Polisia Suku (OPS), no The Asia Foundation apoiu mos Hand sanitizer, Maskra ba Komisaun Tekniku COVID-19.(ekipa kobertura).

Comment