by

F.LBF Hamutuk ho Water Aid Komemora Loron Mundial Menstruasaun

 

Manufahi RKM News___Fundasaun Luta Ba Futuru serbisu hamutuk ho Water Aid Australia iha Timor Leste komemora loron Mundial Menstruasaun ho maneira Sensibiliza informasaun ba Estudante sira iha Eskola Ensino Baziku Filial Weroun Fatukahi Postu Administrativo Fatuberlihu Munisipiu Manufahi…( 28/05 ).

Programa Manejer Fundasaun Luta Ba Futuru Domingos Rodrigues ba Jornalista hateten komemorasaun ne’e ho objectivu atu habelar informasaun ba Estudante ne’ebe ho idade produtivu liu liu labarik  Feto  sira oinsa bele jere rasik hijeniku kona ba Menstruasaun tanba dala ruma soe foer arbiru bele fo inpaktu ba ita nia saude waihira lalar ba kaer fali ita nia hahan.

Antes ne’e Fundasaun Luta Ba Futuru serbisu hamutuk ho parseria Water Aid Australia iha Timor Leste tama sai Eskola hodi sosializa informasaun Hijene Menstruasaun ba labarik Feto ho idade ne’ebe Produtiva atu nune’e sira bele intende didiak kona saida maka Menstruasaun ne’e lolos…Tenik Programa Manejer. 

Fatin hanesan Estudante Eskola Ensinu Baziku Filial Weroun Fatukahi Eufemia Fatima Do Rosario Agradese ba Fundasaun Luta Ba Futuru ho Parseria Water Aid tanba bele fahe informasaun importante  hodi loke sira nia hanoin oinsa atu maneza sira nia an waihira akontese Menstruasaun..Hakotu nia.

Entertantu Actividade Komemorasaun Loron Mundial Menstrusaun ne’e rasik hetan apoiu husi Water Aid Australia Timor Leste.

 

 

Comment