by

VETERANU MANUFAHI LAMENTA, AUTONÓMISTA NIA OAN BARAK PASA IHA REKRUTAMENTU F-FDTL

Veteranus Munisipiu Manufahi Lamenta maiória Veteranus nia oan barak, la liu iha Rekrutamentu Forsa Falintil Defeza Timor Leste(F-FDTL) tinan 2020-2021.

 

Presidenti konsellu munisípal kombatenti libertasaun nasionál munisípiu Manufahi, Tobias Amaral Magno Kodigo (MAKSAKUR) kuarta-feira (02/06)  ohin, hato’o lamentasaun ne’e ba jornalista sira katak, prosesu Rekrutamentu F-FDTL ba tinan 2020-2021 ne’e komplikadu, tanba iha iha prosesu rekrutamentu ne’e príoridade ba iha rezíme espesial Veteranus nia oan sira, maibé realidade veteranu nia oan sira naran lakon iha lista rekrutamentu, maibé autonómista nia oan sira maka naran barak maka pasa iha lista rekrutamentu.

 

Maksakur afirma, relasiona ho situasaun ne’e  Veteranus sira rasik la menta tebes, no konsellu halo kedas enkontru ho responsavél kaíza no nurep sira iha postu administrativu Fatin 4, maioria veteranu sira preukupa ho situasaun ida ne’e.

 

Presidenti konsellu munisípal kombatenti libertasaun nasionál munisípiu Manufahi nee subliña,  tersa-feira 01/06) horiseik, (konsellu veteranu halo ona karta ida, no kuarta-feira (02/06) ohin, lori tuun ona ba iha kuartel Jeral no dirize ba iha Komisaun Rekrutamentu hodi bele hare ba problema ida nee, tanba Veteranus nia oan barak mak la liu.(ekipa kobertura).

Comment