Manufahi RKM News___Tuir Rezolusaun Governu Nu.35/2017 kona ba mekanismu Estabelesimentu Grupu Traballu jéneru hodi bele garante implementasaun assuntu igualdade i inkluzaun iha Munisipiu lao ho efeitu no sustentavel, ho ida ne’e maka kada tinan sempre realiza Enkontru trimestral atu hatene fila fali progresu no dezafius husi serbisu instituisan estadu nian ne’ebe integra ba assuntu igualdade, Sorumutu ne’e halao’o iha salaun Sentru Informasaun Administrasaun Manufahi.(Tersa/08/06).
Tuir Administardor Munisipiu Manufahi asumi mos kargu hanesan Presidente Grupu Traballu Jéneru, Arantes Isaac Sarmentu hateten ohin ita halao enkontru ida ne’e, tanba tuir dekretu lei numeru 35/2017 hateten katak, membru traballu sira sei komvoka reuniaun dala ida iha tinan ida, para atu hodi bele hare fila fali serbisu sira ne’ebe maka durante ne’e membru grupu traballu sira halo hodi asegura implementasaun asunto igualdade zéneru, se menbru grupu traballu ida maka la asegura ida ne’e siknifka nia laos hola parte ba iha grupu refere.
Presidente grupu ne’e subliña, membru grupu traballu envolve mos parte seguransa/polisia, adminstrador postu, asosiasaun Feto, inklui diretores liñas minsteriais sira iha Manufahi, hanesan meius ida bele foti desizaun liga ho serbisu ne’ebe maka durante ne’e hala’o.katak Arantes.
“Husu ba membru grupu traballu sira tenki akompaña kazu sira hanesan Violensia Domestika, Abuzu Sexual no kazu seluk tan ne’ebe agora dadaun Akontese iha Manufahi hodi prosesu tuir dalan legal”..Hakotu Arantes.
Entretantu iha enkontru ne’e hetan partisipasaun masimo husi Diretores Liñas Ministeriais, Assosiasaun Feto no parte polisia Manufahi.
