Manufahi RKM News====Komunidade Aldeia Rialau suku Letefoho Postu administrativu Same segunda-Feira ne’e (07/06), lamenta, simu ai-haan sesta bázika la to’o folin dollar Amérikanu lima-núlu ($ 50,00).
Komunidade Joaquim das Regras Araujo lamenta situasaun ne’e, tanba sasan ne’ebé komunidade sira simu hanesan fós Plastiku 1, masin midar plastiku 1,fore keli,kafé,mina litru 2 masa 1,mina nú aqua ki’ik 1,trígu platiku 1,indomilk,sabaun no sasan sira seluk, Komunidade sira mós lamenta programa sesta báziku ne’e komunidade balun naran la iha lista,ho situasaun ne’e komunidade sira sei blokeia programa sesta bázika iha suku refere.
Séfi suku Letefoho Postu administrativu Same João da Costa Noronha informa, tuir lista ne’ebé aprezenta komunidade hamutuk 7.000 resin maka sei hetan programa sesta bázika ne’e, maibé failansu ne’e mosu, tanba familia balun naran iha hela fixa Família maibé atu ba simu sesta bázika familia balun naran la iha..
Hatan ba situasaun ne’e diretór kompaña fornesedór Baino Girau unipesoál
Lda.Natalina Anacleto Freitas hateten, kompaña sei kordena ho governu hodi solusiona problema ne’e, maibé sasan ne’ebé fahe ba komunidade sira, nia folin to’o duni dollar Amérikanu $ 50.00.(ekb)