by

LANSAMENTU DAHULUK FORNESEMENTU KOMBUSTÍVEL HUSI TIMOR GAB,EP. BA IHA SENTRÁL ELÉTRIKA BETANO’

Manufahi RKM News====Minístru Petróleu no Minerais Sesta-feira (04/06) horsehik, ofisiálmente lansa prímeira fornesementu kombustível 16.4 miloens litru, husi TIMOR GAB, EP.  ba iha sentrál elétrika Betano Munisípiu Manufahi.

 

Minístru Petróleu no Minerais Victor da Conceição Soares ba jornalista sira informa, lansamentu dahuluk ne’e, liu husi prosesu ne’ebé naruk iha tinan 2020 TIMOR GAB,EP, ho aprovasaun dekretu lei númeru 61/2020 husi Konsellu Ministru, Kompañia Nasional Petrolifera Timor Leste kumpri ninia mandatu atu asegura seguransa enerjétika, TIMOR GAB,EP iha semana ida liu ba fornese ona 1.5 miloens litru kombustível, no agora fornese tan kombustível 16.4 miloens litru gajóel, iha sentrál elétriku Betano.

 

Governante ne’e  hateten, tuir kontratu entre governu ho TIMOR GAB,EP. Fornsementu kombustível ne’e ho durasaun Tinan 3.

Fatin hanesan Meneging Derector Dawn Stream Timor Gab Franscelino Marcos Tome boavida hateten, tuir kontratu Kompaña Nasional Petrolifera kumprí ninia dever, iha tinan ida ne’e TIMOR GAB,EP sei fornese kombustível gajóel  ho montante 33 milõens litru kombustível.

 

Nune’e mós Supervizór EDTL,Ep Sentrál Betano Delfin dos Santos, agradese ba Governu ho TIMOR GAB,EP bele fornese ona kombustível iha sentrál eletrika Betano, fornese ba jeradór 2 ne’ebé dadaun halo hela operasaun hodi  fasilita enérjia eletrisidade ba sidadaun sira.

 

Delfin saliénta, jeradór 2 ne’ebé dadaun ne’e halo operasaun durante  orás 24 nia laran gasta kombustível toneldas 120.

 

Entretantu molok halo lansamentu ne’e, Minístru Petróliu no Minerais, akompaiña husi Country Menejér Timor Resources, Administradór munisípiu Manufahi, Komandante Komandu Polisia, ba vizita mós postu explorasaun bloku C husi kompaña Timor Resources iha área Betano Postu Administrativu Same Munisípiu Manufahi no Postu Administrativu Hatudu Munisípiu Ainaro, hanesan fatin ne’ebé maka detekta ona Mina no Gas atu halo perfurasaun ba mina no gas.(ekb)

Comment