by

Governu Sentral Aloka Ona Orsameno $ 100,000.00 Kada Postu Administrativo Sira iha Manufahi

Manufahi RKM News=====Governu sentrál tinan ida ne’e, aloka orsamentu dollars Amérikanu rihun atus ida ($100,000,00) kada Postu Administrativu, atu kría kampu servisu ba komunidade no haforsa servisu Administrasaun Postu sira iha manufahi .

Administradór Munisípiu Manufahi Arantes Isaac Sarmento hato’o asuntu ne’e, iha lansamentu programa Mão de Obra iha Postu Administrativu Alas tersa-feira (15/06) ohin hateten, governu sentrál liu husi Minstériu Administrasaun Estatal, aloka orsamentu $ 100,000.00 kada administrativu sira, baseia ba Primeiru Ministru oitávu Governu Konstitusionál ninia proposta, relasiona ho séfi governu nia vizita haleu suku hotu iha teritóriu Timor Leste, bainhira sei asume kargu nu’udar Presidenti da Repúblika iha tempu ne’eba.

Tamba ne’e osan dollars Amérikanu rihun atus ida $.100,000,00 ne’e, aloka dollar Amérikanu rihun lima-núlu ($.50,000.00) ba programa mão de obra, atu kría kampu servisu ba komunidade sira halo rekoperasaun ekonómia, selu komunidade sira hamós estrada hodi hafutar sidade Postu Administrativu no osan dollar Amérikanu rihun lima-núlu ($. 50,000.00) atu haforsa servisu Administrasaun Postu nian, hodi responde nesesidade Administrasaun Postu, hanesan manutensaun ba edifísiu, kumpleta fasilidade servisu Administrasaun Postu nian.

Administradór Munisípiu Manufahi ne’e hateten, programa mão de obra ne’e la’os projetu $. 3,00 (tiga dolar), maibé programa mão de obra ne’e, atu hamos fatin públiku sira, tanba ne’e  apela ba komunidade sira iha Postu Alas ho voluntária idak-idak hamos ninia uma oin, no programa mão de obra ne’e atu selu komunidade sira atu hamos estrada no fatin públiku sira seluk.

Nune’e mós Administradór Postu Alas Leopoldo Barreto relata, molok halo lansamentu programa ne’e, Administradór Postu hamutuk ho lideransa komunitária sira trasa programa no aloka osan hodi selu komunidade sira ne’ebé atu  limpeza iha fatin públiku sira, hanesan  hamos estrada iha área tasi ibun, Administrasaun Postu Alas Vila, hamós no hadia kampu futebol iha parte tasi-ibun postu Alas, inklui  fatin públiku sira seluk.

Leopoldo Barreto agradese ba governu sentrál, tanba iha ninia mandatu nu’udar Administradór Postu, foin primeira vés governu sentrál aloka orsamentu ba Administrasaun Postu hodi jere rasik no dezenvolve Administrasaun Postu Alas.(ek)

Comment