by

STAE Sei Estabeleze Sentru Votasaun 94 No Estasaun Votu 112 Iha Manufahi

Manufahi RKM News====Sekretariadu tékniku administrasaun elitorál (STAE), munisípiu Manufahi identifika sentru votasaun 94 no estasaun votu 112 sei estabele iha Manufahi, hodi prepara ba elisaun jerál 2022-2023.

Kordenadór STAE munisípiu Manufahi Ángelio Corte-Reál  segunda-feira (14/06) ohin informa, iha prosesu elisaun antisipada foin lalais, iha munisípiu Manufahi estabele sentru votasaun 70 no estasaun votu 88, tanba ne’e ba preparasaun elisaun jerál 2022-2023, STAE dadaun ne’e hala’o hela prosesu relevantamentu atu identifika no aumenta tan sentru votasaun aumenta ba 94, no estasaun votu aumenta ba 112, hodi hasa’e taxa partisipasaun elitór sira iha elisaun jerál iha munisípiu Manufahi, tanba dadus resensamentu elitorál ne’ebé dadaun ne’e la’o hela, provizórimente total elitór iha Manufahi ho total elitór 42.216.

Ángelio Corte-Reál  hateten, prosesu relevantamentu sentru votasaun no estasaun votu dadaun ne’e hahú realiza iha  suku 4  ne’ebé elitór barak liu hanesan Suku Betano, Babulo, Letefoho no suku Holarua postu administrativu Same, no sei kontinua ba suku sira seluk iha munisípiu Manufahi laran tomak, iha relevantamentu ne’e sei remata iha fulan Jullu tinan 2021, atu identifika kondisaun estarda, liña eletrisidade inklui defikuldade sira seluk kona ba estabelesementu sentru no estasaun votu, hodi bele kría planu alternativa hodi fó suksesu ba elisaun jerál 2022-223.(esm)

Comment