Manufahi RKM News==== Organizasaun Naun Guvernamental (ONG)Luta Ba Mudansa (LBM) Sexta feira (18-06)Ohin Finaliza ona aktividade(ALMO) katak Area Liman Mos iha Suku hola Rua Postu Administrativo Same Munsipiu Manufahi atu hodi deklara ba publiku katak suku holarua hakat ona ba area liman mos
Tuir Reprezentante Sekretariadu Area Liman Mos(ALMO), maria Boki Fernandes, hateten,iha biban ida nee hetan apoiu husi WaterAid Australia, no organisaun luta ba mudansa(LBM), No iha tinan ida nee Sekretariadu planu katak iha Manufahi tenke deklara Almo, Bainhira remata sei kontinua kedas ba iha postu Administrativu Fatuberliu, No Luta ba mudansa, sei kontinua ba iha postu Administrativu Turiskai, inklui iha postu Administrativu same sei kontinua deit ba iha suku hitu(7) nebe mak seidauk.
“ita nia esperansa ba programa nebe mak ita planeia ona liu husi koperasaun serbisu hamotuk, oinsa bele implementa ita nia programa almo nee lao ho susesu iha Manufahi”Dehan Maria Boki.
Iha Fatin hanesan Xefe suku holarua, João Corte-real, Sublina, it’a deklara almo iha suku holarua laos deit suku ho aldeia mesak serbisu nee lae, maibe hamotuk ho WaterAid, Luta ba futuru, Luta ba mudansa, ho ninia estrutura hodi apoiu tama uma sai uma hodi fo susesu ba komunidade.
“ho ida nee hanesan Xefe suku holarua, agradese ba Fundasaun luta ba future(F-LBF), No ba Luta ba mudansa (LBM), no mos ba estrutura ALMO, ho imi nia esforsu no imi Nia serbisu hamotuk hodi fo susesu ba komunidade hola Rua susesu ba iha programa area liman mos”
Xefe suku nee argumenta, ho total populasaun iha suku holarua inklui uma kain no defisiensia hamotuk 7338 familia, no uma hamrik hamotuk 964, no total populasaun hamotuk 7590, No total feto hamotuk 3711, no mane hamotuk 3879, Difisiensia hamotuk 78, No total komunidade nebe mak utiliza sentina hamotuk 937, no komunidade nebe mak la utiliza sentina hamotuk 27.
Entretantu ba komunidade nebe mak la utiliza sentina ami sei esforsu nafatin hodi komunidade hotu bele asesu ba iha sentina hodi bele prevene an husi moras Oin –oin(esm)
