by

Sidadaun Na’in 4 Positivu Covid 19 iha Manufahi

Manufahi RKM News =====Servisu saúde munisípiu Manufahi detekta hikas sidadaun na’in 4 positívu no dadaun ne’e halo hela izólameentu iha Polo UNTL Saúde Same.

Responsável vizilánsia saúde prevensaun covid-19 munisípiu Manufahi, Dotór Aquino Marques Sarmento kinta-feira (17/06) ohin informa, sidadaun na’in 4 ne’e kompostu feto 1 mane 3. detekta positivu tanba sidadaun na’in 2 halo viajém husi Same ba Dili atu ba konkore vaga, no halo teste swab iha óspitál referál Maubesi rezultadu positivu, no sidadaun na’in 2 seluk detekta hetan positivu liu husi atividade triajém ka vizilánsia sintinéla iha Manufahi.

 

Sidadaun na’in 4 ne’e tama iha izolamentu ba loron 5 ona, no parte vizilánsia saúde Manufahi mós halo kedas teste swab ba sidadaun na’in 4 ne’e ninia familia, inklui sira nia kolega ne’ebé halo kontaktu besik ho sidadaun ne’ebé detekta positívu no dadaun ne’e hein hela rezultadu swab husi laboratórium.
Dotór Aquino hateten, durante ne’e kazu akomolativu iha Manufahi 59 rekopera 55 hodi reintegra ona ba família.

Entretantu atu kombate transmisaun lokál covid-19 iha Manufahi, dadaun ne’e profesionais saúde hamutuk ho ekipa task-force hala’o hela atividade vasínasaun astrazeneca ba lina-frenti doze daruak no vasínasaun doze dahuluk ba komunidade sira hodi hasa’e imunidade sidadaun sira hasoru covid-19.(ekipa kobertura)

Comment