by

Vitima Dezastre Uma Ka’in 52 iha Manufahi Hetan Apoio Material Konstrusaun Husi Governu

Manufahi RKM News====Vitima dezastra uma ka’in 52 iha munisípiu Manufahi sesta-feira (18/06) ohin, simu material konstruksaun husi governu hodi harí hikas sira nia uma ne’ebé hetan estragus ne,ebe Afeta husi anin sobu iha tinan 2020.

kordenador jestaun risku dezastra munisípiu Manufahi Elezito da Costa macado hateten, vitima dezastra uma ka’in 52 ne’e kompostu,  postu administraivu Same uma ka’in 27 aat toda total uma ka’in  23 no aat kamán uma ka’in 4, postu administrativu Alas total uma ka’in 15 aat total uma ka’in 8 no aat kamán 7, postu administrativu Fatuberliu total uma ka’in 5 aat total uma ka’in 2 no at kamán 3, postu administrativu Turiscai total uma ka’in 5 aat total uma ka’in 4 no aat kamán 1.

Elezito informa, materiál kontruksaun ne’ebé governu fó apoiu ba vitima dezastra sira, uma ne’ebé hetan estragu total kada uma ka’in  hetan apoiu materiál kontruksaun hanesan kalen tahan 50 sumenti saka 25,besi beton,prégu,arame no osan mão de obra ho ai-kuadradu ho total osan dollar Amérikanu atus tolu nén-núlu resin-ualu ($ 368,00), no uma ne’ebé estragu kamán hetan de’it kalen tahan 50,prégu no osan mão de obra ho ai-kuadradu dollar Amérikanu atus ida lima-núlu ($150,00).

Vitíma dezastra Feliciana de Jesus ho idadae terseira idade husi suku Daisua Aldeia Riatu, agradese ba governu tanba ajuda ona materiál kontruksaun hodi harí fali nia uma ne’ebé hetan estragu total iha tinan kotuk,nune’e bele rekopera fali hela fatin ba família na’in 5 iha uma ka’in ne’e, tanba vitíma nia laen káben kondisaun alizadu to’o ohin loron seidauk harí fali sira nia uma ne’ebé anin sobu.

Entretantu distribisaun materíal kontruksaun ba vitima dezastra sira hahú distribui iha postu administrativu Same, kontinua distribui ba postu administrativu fatin tolu sira seluk.(ek)

Comment