by

Administradór Manufahi, husu funsionáriu STAE servisu ho Diak hodi garantía elisaun presidensiál

Manufahi RKM News====Formasaun Operasaun Sistema Elitoral Ba Funsinariu Eventual  STAE,Hodi Garantia Elisaun Presiensial Administradór munisípiu Manufahi, husu funsionáriu Eventuál Sekretariádu tékniku administrasaun elitorál (STAE), servisu ho profesionalízmu, independeti, no imparsiál hodi garantía elisaun presidensiál tinan 2022 iha munisípiu Manufahi.

Administradór munisípiu Manufahi, Arantes Isaac Sarmento hato’o asuntu ne’e, iha formasaun dahuluk operasaun sistéma elitorál  durante loron 2, iha edifísiu STAE munisípiu Manufahi hahú sesta-feira ohin, ba funsionáriu eventuál STAE na’in 12 ne’ebé foin rekruta.

‘’ hanesan ajénti estadu ne’ebé servísu direita ba elitór sira iha postu administrativu sira, tenki fó atendementu di’ak ba komunidade, labele inklina ba família no grupu partidu polítiku, tanba funsionáriu operadór sistéma, asisténti tékniku no pontu vokál ba sistéma elitorál tenki kumpri regras STAE nian, nune’e bele garántia prosesu elisaun presidensiál tinan 2022.informa guvernante ne,e Ba rkm sexta feira ohin (25-06)

Nune’e mós, sefí departementu rekursu umanu STAE nasionál Adolfo da Silva, ne’ebé prezenta diretór jerál STAE nasionál hatete, iha prosesu rekrutamentu sidadaun barak maka aplay ba vaga operadór sistéma, asisténti tékniku no pontu vokál maibé na’in 12 maka liu, tanba ne’e tenki servisu ho onéstidade tuir moto STAE nian katak, parsialidade no transparansia, nune’e bele garántia elisaun presidensiál  iha munisípiu Manufahi.

Fatín hanesan kordenadór STAE munisípiu Manufahi  Anjelio Corte-Reál relata, funsionáriu eventuál na’in 12 ne’e,hafoin remata formasaun sei destaka ba postu administrativu fatin 4, Same, Fatuberliu, Alas no Turiscai, kada postu administrativu destaka funsionáriu na’in 3,  pontu vokál na’in 1, operadór sistéma 1 no asisténti operadór na’in 1.

Anjelio akrásenta, pontu vokál nia knár maka atu rekolla dadus elitór sira ne’ebé mate ona iha suku no aldeia, no knár operadór sistema na’in 2 atu halo operasaun ba sistéma resensamentu elitorál no halibur dadus  elitór sira.

Iha sorin seluk, funsionáriu Eventuál STAE destakadu postu administrativu Fatuberliu, Sara Balbina Ximenes Fernandes, promete sei halo nia knár tuir regras no prosedementu STAE nian, nune’e bele garantía elisaun presidensiál iha Manufahi.

Entretantu Sekretariadu tékniku administrasaun elitorál (STAE) munisípiu Manufahi, identifika ona sentru votasaun 94 no estasaun votu 112 iha Manufahi, hodi prepara ba elisaun jerál 2022-2023, no total elitór provizóri iha miunisípiu Manufahi hamutuk elitór 42.216.(esm).

Comment