by

Administrador munisipiu No MSSI Manufahi Apoio Fos Saka 100 Ba Familia Vulneravel Iha Suku Grotu

Manufahi RKM News====Administrasaun Munisípiu no Servisu Sentrú Solidariadade Sosiál Munisípiu Manufahi, apoiu fós saka 100 ba ema Vulneravel sira iha suku Grotu postu administrativu Same Munisipiu Manufahi.

Diretóra Servisu Sentrú Solidariadade Sosiál Munisípiu Manufahi Eúlalia Maria Seixas hateten, fós saka 100 ne’e, apoiu ba família vulnirável sira hanesan pasiénte vulniravel, ema ho defisiente no idósu pasiénte sira iha suku Grotu.

‘’ no apoiu ne’e la’os deit iha suku Grotu maibé sei kontinua apoiu ba família kbi’it laek sira iha suku sira seluk iha Munisipiu Manufahi.Afirma Eulalia Maria Ba Jornalista Sira kuarta-feira (07/07 Horseik iha Suku Grotu

Diretóra ne’e informa, iha apoiu ne’e ekipa Sentrú Solidariadade Sosiál Munisípiu Manufahi mós foti dadus no identifika família vulnirável Sira.

‘’Ohin ita Identifika Familia Vulneravel hanesan pasiente vulnirável no idósu vulnirável hamutuk ema na’in 14 iha suku Grotu kompostu feto 10 no mane 4.

Directora hatutan Objectivo Husi Identifikasaun Dadus Ne’e sei kanalíza ba Ministériu hodi fó apoiu orsamentu pontuál hodi sustenta moris vulneravel sira nian.Acrecenta Directora MSSI Manufahi

Nune’e mós Administradór Munisípiu Manufahi Arantes Isaac Sarmento hateten, aktividade asisténsia sosial ne’e, kontinuasaun husi tinan 2020 liu ba ne’ebé Komisaun Task-Force Covid-19 hala’o fó apoiu nesesídade báziku ba familia kbi’it laek sira.

‘’ nune’e mós liu husi vizita asisténsia sosial ne’e, atu motíva mós komunidade sira katak, sira la moris mesak maibé moris hamutuk ho autoridae munisípiu, no governu iha responsábilidade atu tulun ninia povo ne’ebé la iha kbi’it.Katak Arantes

Fatin hanesan Sefí suku Grotu postu administrativu Same, Filomeno dos Santos agradese ba autoridade Munisípiu Manufahi, ne’ebé fó apoiu ai-haan ba komuidade kbi’it laek sira.

‘’ no ho visíta ida ne’e autoridade munisípiu bele haré ho matan kondisaun moris familia kbi’it laek sira iha suku ne’e.

Entretantu tuir observasaun Jornalista Administradór Munisípiu ho Diretóra Servisu Sentru Solidariadade Sosial ho ekipa, halo vizita tama-sai uma hodi fó apoiu nesesidade bázika no fó mós fó korajém ba familia kbi’it laek sira.(esm)

Comment