Manufahi RKM News====Visé Minístru Saúde kuarta-feira (07/07) Horseik, ofisiálemente lansa tratamentu jerál husi dotór spesialísta sira ba komunidade iha Munisípiu Manufahi.
Visé Ministru Saúde Bonifácio Mau-Coli hateten, tratamentu jerál ne’e hodi komemora loron aniversáriu Komisaun Funsaun Públika no loron Nasional Saúde Timor Leste nian.
‘’ Ministériu Saúde lori dotór spesialísta sira halo tratamentu jerál ba komunidade sira ne’ebé hetan problema iha matan, fuan, ovárium no moras sira seluk tan, Afirma Bonifacio
Guvernante Ne’e Hatutan tratamentu jerál ne’e durante loron 2 iha kapitál Munisípiu Manufahi, no loron 1 iha Postu Administrativu Alas no Fatuberliu.
‘’Iha parte seluk, Visé Ministru Saúde ne’e kongrátula ba Komisaun Task-Force Covid-19 Munisípiu Manufahi, halo servisu makas ba prevensaun Covid-19’’
Bonifacio Hatutan Alende Ne’e hatudu Mos rezultadu Diak No la iha transmisaun lokál iha Manufahi,Acresenta Bonifacio Maucoli
‘’tanba ne’e, Visé Ministru Saúde ne’e apela ba komunidade sira atu labele fiar informasaun falsa oin-oin maibé partisipa iha vasína hodi kombate Covid-19.
Fatin hanesan Administradór Munisípiu Manufahi Arantes Isaac Sarmento hateten, tratamentu saúde jerál ne’e, atu bele motíva komunidade sira hodi kuidadu sira nia saúde, nune’e komudade sira bele moris ho saúde diak no saudável.
Entretantu tuir observasaun ho prejensa dotór spesialísta sira iha Manufahi, hetan partisipasaun masímu husi komunidade sira hodi halo tratamentu ba sira nia saúde.(esm)
