Manufahi RKM News====Komisaun Reguladóra Arte Marsiaís (KRAM) ho autóridade munisípiu tersa-feira (20/07) ohin, organíza arte marsiaís no arte rituál hala’o limpeza jerál iha sidade kapitál munisípiu Manufahi, hodi konsolída unidade no hakotu konflítu entre arte marsiaís no arte rituál iha Manufahi.
Adminitradór Munisípiu Manufahi Arantes Isaac Sarmento hateten, atívidade limpeiza jeral ne’e realiza hola parte atívidade sosiaís ne’ebé organíza husi Sekretariu Estadu Juventude Desportu.
‘’Tanba Ne’e liu husi KRAM atu organíza arte marsiaís no arte rituál hotu iha Manufahi, ho intensaun atu konsolída unidade entre arte marsiaías no arte rituál, baseia ba resolusaun governu númeru 4/2020 atu reatíva fali ezisténsia arte marsiaís iha Timor Lest,haktuir Administrador manufahi.
Arantes hatutan tanba ne’e liu husi programa limpeiza jerál ne’e atu hamós foer no letra sira ne’ebé hakerek arte marsiaís sira nia naran iha fatin-fatin iha sidade kapitál munisípiu Manufahi no ho atívidade ne’e bele hametin hikas konfiansa sosiedade nian ba arte marsiaís sira mós kontribui ba dezenvolvimentu, la’os kría konflitu.
Nune’e Mos Komandante Komandu Polísia Munisípiu Manufahi Superintendenti Polísia Joni Viana das Regras, aprésia tanba durante ne’e la iha konflitu entre arte marsías iha Manufahi.
‘’ liu husi programa limpeiza ne’e bele hakotu ona konflitu ódiu no vingansa entre foin sa’e sira ne’ebé involve-an iha grupu arte marsiaís, tanba joventude maka nu’udar rín ba nasaun hodi atívu iha prosesu dezenvolvimentu.acresenta joni viana
Superentidenti ne’e haktuir tanba ne’e foinsa’e sira tenki kuda metin disiplína kumprí regras tranzítu nian, tanba membru balun ohin mai atu partisípa limpeiza sa’e motór la uza kapaséti, ne’e Vas parte mós avalizasaun rekezítu atu reatíva fali ezisténsia grupu arte marsiaís sira iha Timor Leste.
Fatin Hanesan Armando da Silva husi Fundasaun Luta ba Futuru (F-LBF) hateten, nu’udar sosiedade sivíl sente aprésia ho inisiatíva husi KRAM halibur GAM sira hodi kontribui tebes ba dezenvolvimentu iha Manufahi, ne’e hatudu solídu nu’udar Manufahi-oan iha ninia kultura no lisan ida.
Entretantu programa limpeiza jerál ba loron ohin, hala’o husi Leusate suku Holarua postu admnistrativu Same baliza munisípiu Manufahi ho Ainaro, mai to’o sidade kapitál munisípiu Manufahi, tuir planu programa ne’e sei kontínua hala’o iha postu administrativu sira seluk hanesan Alas, Fatuberliu no Turiscai. (Esm)
