by

Eskola 25 Iha Viqueque Empresta Hela Uma eskola Ensinu Bazika Nian Hodi Realiza aprendisagen

Manufahi RKM News=====Eskola 25 iha Viqueqe sei Empresta hela Uma Eskola Ensino Bazika Nian Hodi Realiza Prosesu Aprendisajen,Asunto Ne,e hato,o husi Administrador Munisipiu Viqueque Liu husi Enkontru Konselho Koordenasaun Teritorial Ho MAE Iha Manufahi Sexta Feira semana Ne,e (23/07)

 

Iha Aprezentasaun Ne,e Administradór Munisípiu  Viqueque Januáriu Soares, aprezenta ezersísiu kompeténsia munisípiu Viqueque iha parte eduksaun nian relata katak  dezafiu ne’ebé edukasaun hasoru iha munisípiu Viqueque infrastruktura  iha iskóla Pre-iskolár 35 iha iskóla 10 de’it maka iha rasik edifísiu, no iskóla 25 impresta hela uma iskóla ensínu bázika nian hodi realiza prosesu aprendisájem, total iskóla ensínu basíka sentrál 22 iha Viqueque no filiál hamutuk 108 maória kondisaun ladun diak hodi fasilita prosesu aprendisájem.

 

 

Governante Ne,e haktuir   orsamentu ne’ebé aloka ba eduksaun ho montante osan dollar Amerikanu miliaun 1 resin fahe ba kategória 3, saláriu no vensimentu, bens servisu no transferénsia públika.

 

 

Ho situasaun ne’e Administradór Munisípiu Viqueque ne’e, rekomenda ba governu sentrál atu fó atensaun ba dezafiu ne’ebé edukasaun hasoru, inklui manorin na’in  kontradu sira durante tinan barak hanorin, maibé to’o agora seidauk sai funsionáriu permanenti.

 

Nune’e mós Administradór Munisípiu Manufahi Arantes Isaac Sarmento aprezenta ezersísiu kompeténsia munisípiu iha saúde nian relata katak, munisípiu Manufahi iha postu 8 administrativu 4, suku 29 no aldeia 137.

sentrú saúde ne’ebé estabeleze iha sentrú Saúde 4, postu saúde 23, postu siska 29, uma túr áhi 1, uma tratamentu 1, transporte kareta 11 no kareta 3 kondisaun aat, motorizada 65 motór 5 kondisaun aat.

”dezafíu ne’ebé munisípiu Manufahi hasoru maka ministériu Saúde ladauk intréga kompeténsia servisu Saúde kona vizilánsia sanitária ba munisípiu, dezafíu seluk la iha hela fatin ba profesionais saúde sira iha suku, la iha dotór spesialista, iha suku balun la iha parteira no infermeuru

alende Ne’e Saude la iha mos  kombustível ba motorizada sira, munisípiu la iha fasilidade teste SAWB COVID-19 inklui konstrusaun fatin izólamentu atrázu, tamba ne’e rekomenda ba governu sentrál atu solusiona situasaun ne’ebe Manufahi hasoru.

 

Administradór Munisípiu Manufahi ne’e, informa katak maske servisu Saúde munisípiu Manufahi infrenta dezasfiu oin-oin, maibé governu lokal kontinua servisu hamutuk ho ministériu Saúde no parseiru dezenvolvimentu husi ajénsia  internasional no ONG lokál sira, hodi fó asisténsia médiku ba komunidade sira inklui prevensaun Covid-19 iha Manufahi.(esm)

Comment