Manufahi RKM News====Parlamentu Nasional Komisaun A tráta asuntu Konstitusionaís no Justísa halo diskusaun, kona ba pakóte refórma judisiária , iha hotél uma-liurai postu administrativu Same munisípiu Manufahi.
Presidenti PN komisaun A Deputado Joaquim dos Santos kinta-feira (29/07) ohin ba jornalista sira informa, diskusaun pakóte refórma judisíaria ne’e importante, tanba durante tinan 20 resin Timor Leste restaura independénsia, sistema judisiáriu iha Timor Leste baseia de’it ba regúlamentu UNTAET númeru 11/2002, hodi afeta ba sistéma judisíaria iha Timor Leste marka pásu no la Iha Mudansa.
” Iha tinan hirak liu ba kotuk, iha ona konsénsu nasional entre polítiku sira iha governasaun, deputadu no autóridade judisiáriu sira, harí komisaun piskíza halo estudu kría kondisaun atu refórma judisíaria iha Timor Leste, refórma judisiária ne’e iha lei lubuk ida maka sei halo diskusaun kona ba lei organízasaun judisíariu hodi troka fali regúlamentu UNTAET númeru 11/2002,Imforma Presidenti PN Komisaun A Deoutadu Joaquim iha Hotel Uma liurai Suku Babulu.
Deputadu Ne,e Haktuir tanba uluk harí ho tribunál primeira instánsia 4 de’it, no tribunál masíma 1 ohin loron bolu tribunál rekursu, hala’o hela servisu suprému nian iha Timor Leste, tan ne’e tenki muda sistéma ne’e ho lei organízasaun judisiáriu nian, ajústa ho direitu no devér juís sira nian, no semana tolu tan sei diskuti mós kona ba Ministériu Públiku nian no orgaun Advugadu Sira.
PN Komisaun A Ne,e Esplika tan katak atu refórma sistéma judisiária ne’e, Parlamentu Nasional komisaun A konsidera no sei halibur mós opíniaun mai husi entídade ne’ebé hola parte iha sistéma judisiáriu, li-liu Ministériu Públiku, Defensória Públiku, Advogádu sira no Konsellu Superiór Majístradu Judisiáriu, hodi transfórma ba proposta hodi halo diskusaun kuandu maiória konkórda bele apróva sai hanesan lei.
Presidenti PN komisaun A ne’e saliénta, diskusaun pakóte refórma judisiária hala’o iha munisípiu Manufahi, ho razaun tanba fatin iha uma fukun Parlamentu Nasional limitadu, no mós deputadu sira présisa ambiente foun hodi halo diskusaun la’o ho di’ak, tanba iha diskusaun ne’e partisípa mós matenek na’in sira kona judisiáriu nian.
Entretantu membru deputadu komisaun A na’in 11, maibé deputadu na’in 9 maka partípa iha diskusaun pakóte refórma judisiária ne’e tanba na’in 2 lisénsa.(Media RKM)
