Manufahi RKM News ==== Visé ministru Saúde no reprezentante organizasaun munidiál Saúde iha Timor leste (OMS), segunda-feira (02/08)ohin halo lansamentu tratamentu matan durante semana ida iha muisípiu Manufahi.
Visé ministru Saúde Bonifácio dos Reis (Mau-coli) iha lansamentu ne’e hateten Saúde matan importante tebes ba sidadaun sira,tanba ne’e ministériu Saúde kopera hamutuk ho organizasaun mundiál lori dotór spesialísta Timor oan mai iha munisípiu Manufahi, hodi fó tratamentu saúde matan ba sidadaun sira ne’ebé problema iha matan,liliu ema veteranu sira, katuas ferik sira inklui sidadaun sira seluk, iha tratamentu saúde matan ne’e dotór spesialísta sira mós bele opera sidadaun sira nia matan ne’ebé presisa duni atu opera.Hateten bonifasio
Reprezentante organizasaun munidiál Saúde (OMS) iha Timor leste Dr.Arvin mathur kongratúla polítika ministériu Saúde nian, bele lori dotór spesialísta matan besik ba komunidade sira, hodi fó tratamentu ne’ebé di’ak ba komunidade iha munisípiu, OMS iha Timor leste kontinua kopera no tulun governu Timor leste hodi halo tratamentu ne’ebé dígnu ba povo Timor leste.
Fatin hanesan administradór munisípiu Manufahi Arantes Isaac Sarmento agradese ba ministériu Saúde ho OMS iha Timor leste, bele lori dotór spesialista matan besik liu ba povo tanba relasiona ho pandémia covid-19, povo la halo movimentu ba hospitál hodi halo tratamentu ba saúde matan.
Entretantu dotoór spesialísta Timor oan na’in 3 maka sei halo tratamentu saúde matan ba komunidade sira iha Munisípiu Manufahi, durante semana ida hahú segunda-feira ohin remata iha sesta-feira semana ne’e.
