by

SAUDOZU ALEXANDRE MENDES HO KODIKU TATOLI HAKOTU I’IS HO IDADE 69

Saudozu Alexandre Mendes ho kodiku ‘’TATOLI’’ Termina ona nia peregrinasaun iha loron 23 fulan Agosto tinan 2021.Saudozu Tatoli moris iha Suku Rotuto Postu Administrativo Same,Munisipiu Manufahi.Saudozu Tatoli moris iha loron 05 fulan Jullu Tinan 1952 Oan husi Aman Mali-Siri no Inan Sei-Mau Oan ba Ikus husi oan nain 5 mane 3 feto 2.

Seremonia Funebre ba Saudozu tatoli iha loron 25/08 iha Semiteriu Santa Cruz/Haut mera Same,Iha Intervensaun Sekretariu Zona Posto Administrativo Same Francisco da Costa kodiku ‘’Birak’’ hateten Veteranos ne’e mak alin rasik tamba ran sai ida dei’t iha Funu ba Libertasaun Nasional.Ita senti lakon maibe lakon nia isin mate maibe saudozu nia espiritu sei horik ho ita nafati.ba familia sira keta haketak an husi Veteranos sira hotu maibe tenki lao tuir nafatin saudozu nia ain fatin keta hanoin hemu mak tua, kaben sedu maibe tenki eskola no eskola atu nune’e bele kontinua konta nafatin funu nain sira nia Istoria.

Iha fatin hanesan Administrador Munisipiu Manufahi Dr.Arantes Isaac Sarmento hateten katak familia lakon no Estado Timor Leste mos lakon funu nain diak ida.Wainhira RDTL sei hamrik,veteranos mos sei metin ba nafatin,Saudozu mak la iha maibe nia Obra estadu rekoñese nafatin no Seremonia funebre sira hanesan ne’e Estadu iha Obrigasaun no Saudozu merese dunik halo seremonia sira hanesan ne’e,Familia tenki tane saudozu nia obra liu husi Estuda badinas hodi kontinua tane obra nebe’e saudozu rai hela.Nune’e mos Reprezenta Governo no Estado husu Deskulpa ba familia no saudozu karik durante ne’e iha atendementu nebe’e la monu ba ita bo’ot sira nia laran.

Entertanto Saudozu Alexandre Mendes kodiku TATOLI hetan ona Rekoñesementu husi Etadu Timor Leste iha Tinan 2008 ho Kategori 8 a 14 anos no Saudozu foin Desmobiliza husi komando da luta iha loron 20 fulan Agosto tinan 2013 iha Same Betano husi Komandante em Xefe Kay Rala Xanan Gusmão.hafoin ida ne’e ida ne’e iha tinan 2019 Saudozu hahú hetan Moras Ain hodi afeta lao ladiak to’o hakotu I’is iha loron 23 fulan Agosto Tinan 2021 iha Rezidensia Saudozu nia oan Mane Manuel Cobra nian.Iha Seremonia Funebre tatoli nian responsabiliza husi Komando PNTL Munisipiu Manufahi no hetan Tiru Saltu hodi fo Omenajen ba Saudozu husi F-FDTL Komponente Naval Posto Betano Same.(Vas)

Comment