MANUFAHI RKM NEWS ======Loron 27/08 Iha Estudio Rakom, Asistensia legal feto no labarik (ALFELA) hari iha Timor laran tomak inklui Manufahi hodi fo Asistensia ba violensia sira hanesan violensia Domestika Abuzu sexual, Kasu sivil no kasu divorsio no seluk tan no presta asistensia legal ba kazu sira hahu husi inisio akontese to’o ba iha Tribunal.Nune mos husi kazu sira ne’e hotu alfela fo asistensia legal husi lei numeru 7/2010 artigu 25 ne’ebe fo direitu ba vitima atu hetan advogado ka defensor hodi fo asistensia legal durante prosesu ne’e hotu.portantu alfela hala’o nia papael ida ne’e atu fo ajuda ba labarik no feto sira ne’ebe mak hetan violensia ho garatuita durante prosesu ne’e la’o,neduni alfela la servisu mesak maibe alfela mos servisu hamotuk rede referral sira iha manufahi.
Tuir Diretor ejekutivo asistensia legal feto no labarik Antoninho Marques hateten wainhira kasu violensia hasoru feto no labarik ne’e kategoriza krimi publiku quandu ita resolve tuir sistema kulturais ne’e fo inpaktu ba iha vitima tanba ita hatene katak ita nia nasaun iha lei ne’ebe mak iha atu hodi garante ba sidadaun sira nia diretu no deveres.Nune’e mos inpaktu ba iha longu prazu karik wainhira violensia mosu iha familia ida ita sempre resolve tuir familia ka kultura ida ne’e fo inpaktu ba vitima no taka dalan ba vitima rasik atu asesu ba iha justisa formal.Iha lei artigu 26 konstituisaun RDTL iha ne’eba difini klaru katak sidadaun hotu hotu iha diretu atu asesu ba justisa.Hateten Antoninho
Antoninho Marques sublinha tan katak ita nia lei garantidu ema hotu hotu atu defende nia diretu atu asesu nia prosesu ne’ebe mak iha hodi ba iha tribunal hodi hetan justisa se ita resolve nafatin tuir kultura maka nafatin kontribui no haburas siklu violensia ne’ebe mak mosu iha komunidade nia le’et.
Alienede ne’e mos diretor ne’e hato’o nia lia menon ba inan feton no labarik sira ne’ebe mak hasoru violensia karik iha komunidade nia le’et labele taka dalan maibe tenke kolaboro ho entidades sira atu hodi tau matan ba vitima feto no labarik hodi bele garantia sira nia diretu.(RkM)
