Profesionaías saúde na’in 32 positivu covid-19 no tama iha izólamentu iha munisípiu Manufahi, maibé prosesu atendementu saúde ba komunidade sira kontinua la’o normal.
Diretóra servisu saúde munisípiu Manufahi Florençia Tilman Corte-Reál kuarta-feira ne’e informa katak hahú husi loron 18 fulan Augustu tinan 2021,profesionáis saúde na’in 32 hahú husi dotór to’o kliner maka positívu no tama iha izólamentu, Maibé prosesu Atendementu Saúde iha Sentru Saúde Same vila,Internamentu no Maternidade kontinua la’o normal tanba servisu Saúde Manufahi husu apoiu profesionaís saúde sira ne’ebé negativu husi postu saúde Fatuberliu,Turiscai no Alas hodi fó Atendementu Saúde ba komunidade sira. Hateten Diretora
Diretóra Saúde Florençia realsa katak Profesionaís saúde ne’ebé positivu iha loron 18 fulan Augustu tinan 2021 hamutuk na’in 32, aumenta sa’e to’o na’in 74, dadaun ne’e rekopera ona na’in 49, no na’in 25 maka sei iha izólamentu hodi hein to’o loron 14.
Entretantu tuir observasaun iha sentru saúde Same vila,internamentu no maternidade kontinua la’o normal hanesan babain.(RKM)
