by

Manufahi Menus Rekursu Arbitrajen no Treinador

Manufahi RKM News—Federasaun Football Timor Leste (FFTL) husu Assosiasaun Football Manufahi (AFM) atu aumenta tan rekursu iha area arbitrajen ninia iha munisipíu Manufahi.

Tuir reprezentante Prezidente Federasaun Football Timor Leste (FFTL) no atual Diretor formasaun arbitrajen, Nivio da Costa Fernandes hateten, Manufahi sei menus rekursu arbitrajen no treinador.

“Ita presiza arbitrajen tenki barak no kualidade hodi reprezenta munisipíu Manufahi”dehan,Nivioliu husi intervensaun, iha stadium, Manufahi, Sabadú (18/09).

Nia haktuir  Jogu atu lao diak iha kompetisaun ruma  tenki hetan atensaun husi arbitu tanba  sira hanesan juiz bele foti decizaun iha kampu laran.

‘’Se bele ba jogu realiza reguler tinan-tinan bele lao nafatin hodi hetan jogadores ne’ebé mak di’ak tanba agora maioria jogadores mesak foinsae de’it’’dehan nia,

Fatin  hanesan Reprezentante Sekretariu Estadu Joventude no Desportu (SEJD) atual Diretor jeral Joventude no desportu David Tomas de Deus hateten, politíka SEJD atu lori desportu husi baze ba leten.

“Tanba ne’e investimentu ne’ebé ita hakarak halo mak liliu rekursu humanus hanesan arbitrajen, treinador no tan sira seluk-seluk tanba laiha treinador diak ita mós sei la hetan jogador diak no laiha arbitrajen ne’ebé di’ak jogu mós sei la susesu iha kompetisaun”nia dehan.

Neduni SEJD serbisu hamutuk ho FFTL atu halo investimentu ba area desportu ninian inklui mós ba modalidade desportu sira seluk no ida ne’e mak SEJD ninia komprimisiu.

“Ita sei investe iha desportu komunitariu no desportu eskolar ne’ebé sei fó apoiu liu husi Komite Desportu Timor Leste (CDTL) hodi hatutan ba eskola sira liliu ba eskola ensinu sekundariu”nia katak.

Fatin hanesan responde ba rekomendasaun ne’e Prezidente Assosiasaun Football Manufahi (AFM), Arão Nõe de Jesus hateten, prontu iha kualker momentu maibé depende ba planu FFTL tanba sira mak tekniku liu ba formasaun.

“Tanba ne’e mak hau promete ona ba sira katak AFM prontu iha oras saida deit atu ba formasaun husi FFTL iha Dili”nia argumenta.

Nune’e nia dehan, planu refere kabe ba programa FFTL maibé uluk nain 18  mak tuir formasaun no iha nain 5 tuir hela formasaun iha Dili hodi avansa level C.

“Ita nia rekursu minimu maibé ita nafatin buka atu kontinua iha formasaun hodi hetan treinador kualifikadu no arbitrajen ne’ebé ho profesionalismu a’as”nia hakotu

Entertanto ba oras ne’e dadaun husi nasionál desidi ona arbitrajen feto nain rua husi Manufahi ba tuir teste iha Dili no espera katak sira bele pasa iha teste no naran tama bele lori Manufahi ninia naran ba iha nasionál.

 

Reporter                     : Vasku Mendez

Editor                          : Marques

 

Comment